Эми борбордун тургундары жана коноктору автоунаа токтотуу акысын нак акчасыз жана ортомчусуз онлайн төлөй алышат. Бардык түшкөн каражаттар түздөн-түз шаардык бюджетке которулат.
QR-төлөм системасынын киргизилиши менен автоунаа токтотуу үчүн акы түздөн-түз система аркылуу гана онлайн төлөнөт. Бул ыкма төлөм процессин ачык, коопсуз жана тез кылат. Бардыгы бир мүнөттөн аз убакытты гана талап кылат — болгону камерасы бар смартфон жетиштүү.
QR-код аркылуу автоунаа токтотуучу жайдын акысын кантип төлөө керек
- Автоунааңызды муниципалдык токтотуучу жайга токтотуңуз.
- Телефонуңуздун камерасын алдындагы BAKAI QR-кодуна багыттаңыз.
- Ачылган шилтеме аркылуу GDTI.KG сайтына өтүңүз.
- Автоунаанын мамлекеттик номерин киргизип, банктык картаңызды тандаңыз да 25 сом төлөңүз.
Төлөмдү автоунаа токтоткондон кийин же чыгып жатканда жүргүзсөңүз болот — эң башкысы, унутпаңыз!
Төлөм жүргүзүлбөсө, айып пул каралган
- жарандар үчүн — 1000 сом,
- юридикалык жактар үчүн — 5000 сом.
Система учурда кайсы жерде иштеп жатат
Бүгүнкү күндө QR-коддор Орозбеков көчөсүнүн Токтогул көчөсүнөн Киев көчөсүнө чейинки бөлүгүндө орнотулуп, кадимки режимде иштеп жатат. Ошондой эле Турусбеков көчөсүнүн Москва көчөсүнөн Жибек-Жолу проспектисине чейинки аралыгында да система ишке киргизилген. Кийинки этаптарда QR-төлөмдөр борбордун башка көчөлөрүнө да этап-этабы менен жайылтылат.
Жагымдуу кабар — жекшемби жана майрам күндөрү автоунаа токтотуу акысыз.
BAKAI шаардык сервистерди санариптештирүүнү ырааттуу колдоп келет. Биздин максат — бишкектиктер үчүн төлөмдөрдү мүмкүн болушунча ыңгайлуу жана коопсуз кылуу: смартфонуңузду бир басуу менен — кезексиз, нак акчасыз жана тез.
Banks.kg маалымат порталы кардарлар тарабынан жайгаштырылган жарнамалык материалдардын мазмуну үчүн жоопкерчилик тартпайт. Жарнамалык макалалардагы маалыматтын тактыгы үчүн жоопкерчилик толугу менен жарнамачыларга жүктөлөт.