Депозиттерди коргоо боюнча агенттиги жана Banks.kg меморандумга кол коюшту

Меморандум 2026-жылдык 30-январында кол коюлуп, тараптар депозиттерди коргоо системасы боюнча ишенимдүү маалыматты жайылтууга жана калктын финансылык сабаттуулугун жогорулатууга багыт алышты. Документтин негизги максаты – банктын ишмердүүлүгү жана өлкөдөгү депозиттерди кепилдөө тутумунун принциптери жөнүндө калктын маалымдуулугун жогорулатууда Banks.kg маалымат порталы менен Кыргыз Республикасынын Депозиттерди коргоо агенттигинин ортосундагы өз ара аракеттенүү.

«Биз өз ролубузду Кыргызстанда финансылык сабаттуулукту жогорулатуу, банк тутумуна болгон ишенимди бекемдөө жана негизги каржы секторунун институттарынын айланасында ачык маалыматтык мейкиндикти түзүү катары көрөбүз», - деп билдирди документке кол коюу учурунда, Banks.kg порталынын жетекчиси Василий Безручкин.

Депозиттерди коргоо агенттиги Banks.kg долбоорунун банк колдонуучуларына өлкөнүн каржы системасынын туруктуулугун жакшыраак түшүнүүгө жардам берүүгө даярдыгын колдоду.

«Депозиттерди коргоо системасы жөнүндө үзгүлтүксүз жана так маалымат аманатчылардын тынчсыздануусун азайтууга, каржылык өндүрүмдөргө туура мамиле жасоого жана бүтүндөй банк секторуна болгон ишенимди бекемдөөгө жардам берет», - деп баса белгиледи КРнын Депозиттерди коргоо боюнча агенттигинин аткаруучу директору Кадырбек Букуев.

Кызматташтыктын алкагында Banks.kg негизги окуяларды, расмий билдирүүлөрдү жана Агенттиктин жарыяларын өз ресурстары менен чагылдырат. Өз кезегинде Агенттик порталды пресс-релиздерди, жаңылыктарды, түшүндүрмө материалдарды ыкчам жайылтуу үчүн булак катары колдоно алат. 

Маалымат үчүн:

Кыргыз Республикасынын Депозиттерди коргоо боюнча агенттиги - салымдарга кепилдик системасынын иштешин камсыз кылуучу мамлекеттик мекеме. Анын негизги максаты аманатчылардын кызыкчылыктарын коргоо жана калктын банк тутумуна болгон ишенимин жогорулатуу болуп саналат. Камсыздандырылган  учурда Агенттик аманатчыларга мыйзамда белгиленген өлчөмдө - 1 миллион сом өлчөмүндө компенсация төлөп берүүнү камсыздайт, ошондой эле финансылык туруктуулукту камсыз кылуу жаатында түшүндүрүү жана талдоо иштерин жүргүзөт.

Banks.kg - Кыргызстандагы №1 адистештирилген маалымат порталы жана банктык маркетплейс. Платформа банк жана каржы сектору жөнүндө жаңылыктарды, аналитика, маектерди жана түшүндүрмө материалдарды бириктирип, татаал темаларды аудиторияга түшүнүктүү тилде жеткирет. Колдонуучулар бир жерден кредиттер, депозиттер жана банктык карталар боюнча шарттарды салыштырып, ошондой эле банктык продуктыларга онлайн-арыз калтырып, салмактуу каржылык чечимдерди кабыл ала алышат.