Улуттук банк тиркемелер аркылуу которууларга комиссияны жойот

- Кайсы мобилдик тиркемелерде которуулар үчүн комиссия жоюлат? 

- Комиссия алууга тыюу салуу жеке адамдар тарабынан банктардын жана төлөм уюмдарынын мобилдик тиркемелери, ошондой эле интернет-банкинг аркылуу жүзөгө ашырылуучу которуу кызматтарына жайылтылат. Комиссияга тыюу салуу 2024-жылдан 25-ноябрынан тарта 2025-жылдын 31-декабрына чейин күчүндө болот.

- Терминалдардан акча которууда комиссия жоюлабы? 

- Которуу кызматтарына комиссия алууга тыюу салуу төлөм терминалдары аркылуу жүргүзүлүүчү төлөмдөргө карата колдонулбайт.

- Жаңы өзгөрүүлөр тиркеме аркылуу эл аралык карталардан акча которууларга да жайылабы? 

- Которуу кызматтарына комиссия алууга тыюу салуу Кыргызсатндын аймагында сом аркылуу акча которууларга колдонулат. Ошондой эле, Кыргызстандын коммерциялык банктары тарабынан чыгарылган эл аралык төлөм системаларынын банктык төлөм карталарына которууларга карата дагы жайылат.

- Кайсы валютадагы которуулар үчүн комиссия алынбайт?

- Комиссия алууга тыюу салуу улуттук валютадагы акча которууларга гана тиешелүү.