Карыздар кечилбейт: банктар менен жарандардын пайдасына канча каражат өндүрүлдү

Бул тууралуу Жазаларды аткаруу мамлекеттик кызматынан билдиришти. 

2026-жылдын биринчи жарымында сот аткаруучулар 2,38 миллиард сом өндүрүп алышты.

Мындан тышкары, алимент төлөмдөрү боюнча 466,7 миллион сом, ал эми мүлктү мамлекеттин кирешесине конфискациялоого байланыштуу иштер боюнча - 42,9 миллион сом өндүрүлүп алынган.

Ошондой эле кызмат салык карыздарын өндүрүү жана мүлктү мамлекеттин пайдасына конфискациялоо боюнча чечимдерди аткаруу иштери уланып жатканын белгиледи.

Эскерте кетсек, июнь айынын башында Бишкек шаарында Ленин районунун сот аткаруучулары «Б» ААКсынан салык карыздарын өндүрүү боюнча сот чечимдерин толугу менен аткарышкан.