«Кепилдик фонд» ААКсы менен Азербайжан-Кыргыз өнүктүрүү фонду кызматташуу тууралуу келишимине кол коюшту

Бул келишимге ылайык, тараптар күрөөлүк камсыздоо жетишсиз болгон учурда, кепилдик менен кредит берүү аркылуу ишкердик субъекттерине колдоо көрсөтүүгө ниеттенүүдө.

Документке «Кепилдик фонд» ААКсынын башкармалыгынын төрагасы Малик Абакиров жана Азербайжан-Кыргыз өнүктүрүү фондунун төрагасы Алмаз Мамбетов кол коюшту.

Келишимге кол коюу аземинин жүрүшүндө тараптар кызматташуу эки каржы институтуна тең өлкөнүн бизнесин колдоонун жаңы мүмкүнчүлүктөрүн ачарына ишенимин билдиришти, алардын негизги багыттары – биринчи кезекте экспортко багытталган жана импортту алмаштыруучу ишкерлер.

Бүгүнкү күндө «Кепилдик фонд» ААКсынын 25 өнөктөшүнүн арасында Азербайжан-Кыргыз өнүктүрүү фонду менен бирге: 3 микрофинансылык компания, 1 микрокредиттик компания, 18 банк, Орус-Кыргыз өнүктүрүү фонду жана Өзбекстан-Кыргыз өнүктүрүү фонду бар.