Жарым жыл ичинде берилген кепилдиктердин жарымы аялдар ишкердигине багытталган

Кепилдик фонду үстүдөгү жылдын алгачкы алты айында аялдардын ишкердигин өнүктүрүүгө 689 кепилдик берип, бул берилген кепилдиктердин жарымына жакынын түзгөн. Алардын 86% өлкөнүн аймактарына багытталган. Аялдардын бизнесин колдоого берилген кепилдиктердин суммасы 400 млн 161 миң сомду түзүп, ишкерлерге 1 млрд 74 млн сомдон ашык суммадагы кредит алууга мүмкүнчүлүк түздү.

Статистикалык маалыматтарга ылайык, аялдардын ишкердигине берилген кепилдиктер өлкөнүн аймактары боюнча төмөнкүдөй бөлүштүрүлдү: 

• Жалал-Абад облусу - 171 кепилдик; 
• Чүй облусу - 119 кепилдик; 
• Ош облусу - 90 кепилдик; 
• Ысык-Көл облусу - 69 кепилдик;
• Талас облусу - 65 кепилдик; 
• Баткен облусу - 47 кепилдик; 
• Нарын облусу - 32 кепилдик.

«Кепилдик фонд» ААКсынын кызматынан пайдаланган аялдар өлкөнүн аймактарындагы дээрлик бардык тармактардын, анын ичинде: айыл чарбасы, айыл чарба продуктуларын кайра иштетүү, өнөр жай, курулуш, транспорт, туризм, кызмат көрсөтүү чөйрөсү ж. б.өкүлдөрү болуп саналат. 

Кепилдик камсыздоо маселелери боюнча кошумча маалыматтарды төмөнкү телефондор аркылуу: (0-554) 17-71-05, (0-556) 62-53-79, (0-312) 62-53-79 же www.gf.kg сайтынан алууга болот. 

Эту же новость можно прочитать на русском языке.