Кыргызстанда мурасты кантип тариздөө керек: эмнелерди билүү маанилүү

Мурасты кантип калтырууга болот?

Эгер сиз дүйнөдөн өткөндөн кийин мүлкүңүз кимге өтөрүн өзүңүз аныктагыңыз келсе, керээз кат түзө аласыз.

Бул үчүн төмөнкүлөр керек:

• каалаган нотариуска кайрылуу;
• паспортуңузду көрсөтүү;
• кайсы мүлкүңүздү кимге мураска калтыргыңыз келерин билдирүү.

Нотариус документ түзүп, анын мазмунун түшүндүрүп берет жана документти күбөлөндүрөт. Ошондон кийин аталган кат юридикалык күчкө ээ болот.

Эмнелерди билүү маанилүү

Мурасты каалаган убакта өзгөртүүгө же толугу менен жокко чыгарууга болот. Бул үчүн кайрадан нотариуска кайрылуу жетиштүү.

Ал аркылуу батир, турак үй, жер тилке, автоунаа, банктагы эсептердеги акча каражаттары, баалуу буюмдар жана башка мүлктү мураска калтырууга болот.

Мүлктү бир адамга да, бир нече мураскерге да өз каалоо боюнча бөлүштүрүп жазууга болот.

Эгер керээз кат болбосо, мурас мыйзамда белгиленген кезектүүлүк боюнча бөлүштүрүлөт.

Чектөөлөр барбы?

Ооба. Керээз кат түзүлгөн күндө да мыйзам айрым жакын туугандардын укуктарын коргойт. Жашы жете элек же эмгекке жарамсыз балдар, эмгекке жарамсыз жубайы же жолдошу, ата-энеси жана милдеттүү үлүш алууга укуктуу башка адамдар керээздин мазмунуна карабастан мурастын белгилүү бир бөлүгүн алууга укуктуу.

Кеңеш: эгер мүлк кымбат баалуу болсо же мураскерлер бир нече адам болсо, алдын ала нотариус менен кеңешип алуу жакшы. Бул мурас ачылгандан кийин туугандардын ортосунда талаш-тартыштын жаралышына жол бербөөгө жардам берет.