2025-жылдын январь-сентябрь айларында каржылоонун бардык булактарынан негизги капиталга инвестициялардын көлөмү 206 млрд сомду түзүп, өткөн жылдын ушул мезгилине салыштырмалуу 18,8%га көп (2024-жылдын январь-сентябрь айларында өсүү 48,6%ды түзгөн).
Ички булактардын эсебинен өсүү
Инвестициялардын өсүшү биринчи кезекте каржылоонун ички булактарынын эсебинен камсыздалган, анын көлөмү 27,4%га өскөн, ал эми тышкы булактар азайган.
Инвестициялардын негизги багыттары
Жалпы инвестициянын 85%га жакыны төмөнкүлөргө багытталган:
- тоо-кен жана өндүрүш объекттерин куруу;
- транспорттук ишти жана жүктөрдү сактоону өнүктүрүү;
- электр энергиясы, газ, буу жана кондиционер менен камсыз кылуу;
- билим берүү объектилери жана турак жай курулуштары.
Өсүүнүн негизги факторлору
2025-жылы экономиканы олуттуу капиталдаштыруу төмөнкүлөр менен шартталган:
- «Менин үйүм» программасынын алкагында турак жай курулушунун көлөмүн көбөйтүү;
- телекоммуникациялык тармактарды модернизациялоого инвестициялар (MegaCom жана О! операторлору тарабынан базалык станцияларды куруу);
- билим берүү объектилерине капиталдык салымдарды көбөйтүү;
- Бишкек жана Ош шаарларынын шаардык инфраструктурасын өнүктүрүү;
- спорт объектилерин куруу;
- туризм инфраструктурасына болгон инвестициялар.
Курулуш тармагынын экономикага кошкон салымы
2025-жылдын тогуз айында курулуштун дүң продукциясынын жалпы көлөмү 222,9 млрд сомго жетти, бул өткөн жылдын ушул мезгилине салыштырмалуу 29,6%га көп (2024-жылдын январь-сентябрь айларында өсүү 33,7%ды түзгөн).
ИДПны түзүүгө курулуш секторунун оң салымы 1,96 пайыздык пунктка бааланып, ИДП өндүрүшүнүн түзүмүндөгү үлүшү 7,9%ды түздү.