Кыргызстандык айыл чарба өндүрүүчүлөрүн кошумча нарк салыгынан бошотуу пландалууда

Документ өлкөнүн ички рыногу импорттон азыраак көз каранды болуу максатында иштелип чыккан.

Долбоордун негизги максаты болуп төмөнкүлөр саналат:

• айыл чарба өндүрүүчүлөрүнүн салык жүгүн азайтуу;
• ички рынокто продукциянын өздүк наркын төмөндөтүү;
• ата мекендик продукциянын атаандаштыкка жөндөмдүүлүгүн жогорулатуу;
• бизнести мыйзамдаштыруу жана көмүскөдөн чыгуу үчүн стимул;
• кайра иштетүү өнөр жайын чыңдоо жана экспорттук потенциалды жогорулатуу.

Маалыматка ылайык, салыктан бошотуу күйүүчү майдын, жер семирткичтердин жана башкалардын кымбатташынан улам айыл чарба өндүрүшүнүн чыгымдарынын өсүшүнүн шартында өзгөчө маанилүү. Ошону менен бирге чийки өндүрумдөрдү сатуу төмөн бойдон калууда, бул салык жүгүн олуттуу бойдон калтырууда.

Болжолдуу эффект

Демилгени ишке ашыруу төмөнкү натыйжаларга алып келиши күтүлүүдө:

• сатуу баасын 10-12%га төмөндөтүү;
• мыйзамдуу сооданын көлөмүн көбөйтүү;
• фермерлердин кирешелерин жогорулатуу;
• айыл чарбасында иш менен камсыз кылууну күчтөө;
• экспорттук потенциалды жогорулатуу;
• салыктардын башка түрлөрүнүн эсебинен салыктык кирешелердин акырындык менен көбөйүшү.

Кластердик колдоо

2022-жылдан 2024-жылга чейин Министрлер Кабинетинин №120 буйругу менен өлкөдө 18 айыл чарба кластери иштеп, аларга 1,9 млрд сом өлчөмүндө жеңилдетилген насыялар берилген. Кластерлер айыл чарбасынын негизги тармактарын камтыйт: эт, сүт, жашылча, мөмө-жемиш, дан, балык, буурчак, бал, пахта, жүзүм жана башкалар.

2030-жылга чейин айыл чарба өндүрумдөрүнө жеңилдетилген салык режими жөнүндө токтомдун долбоорун кабыл алуу өндүрүштүн өздүк наркын төмөндөтүүгө, ички рынокту жеткиликтүү баада сапаттуу өндүрүм менен камсыз кылууга жана Кыргызстандын айыл чарба продукциясын экспорттоочу катары позициясын бекемдөөгө мүмкүндүк берет.