Кыргызстандыктардын пенсиялык фонду инвестициялардан миллиарддаган каражат тапты

Бул тууралуу Соцфонддун маалымат кызматынан билдиришти. 

Каражаттардын негизги бөлүгү мамлекеттик баалуу кагаздарга, тагыраагы 12,7 млрд сомго инвестициялаган. Алардын кирешелүүлүгү 12,86-16,0% жылдык чегин түзгөн. 

Дагы каражаттардын бир бөлүгү коммерциялык банктардын депозиттерине 12 жана 18 айлык мөөнөт менен 3,9 млрд сом өлчөмүндө жайгаштырылган. Анын жылдык кирешелүүлүгү 11,3-14,3% чегинде болгон.

2026-жылдын январь- сентябрь айларында МТПФнын мурда инвестицияланган каражаттарынан төмөнкү кирешелер алынган:

• 4,9 млрд сом - жайгаштырылган мамлекеттик баалуу кагаздар боюнча кирешелер;
• 555,6 млн сом - депозиттер боюнча пайыздык кирешелер;
• 185,9 млн сом - ААКтардын акциялары боюнча дивиденддер;
• 14,3 млн сом - МТПФнын эсептериндеги акча каражаттарынын күнүмдүк калдыктарына чегерилген пайыздардан түшкөн киреше.

Бардыгы болуп январь- сентябрь айларында МТПФнын каражаттарын инвестициялоодон 5,65 млрд сом киреше алынган.

Белгилей кетсек, 2026-жылдын январь айынан август айына чейинки мезгилде Мамлекеттик топтомо пенсиялык фонддун каражаттары 15,06 миллиард сом өлчөмүндө инвестицияланган.