Кыргызстандын тышкы соодасы беш айда 14,4 пайызга кыскарды
2025-жылдын январь-май айларында Кыргыз Республикасынын товарларынын тышкы жана өз ара соодасынын жалпы көлөмү 5 миллиард 771,6 миллион АКШ долларын түздү, бул 2024-жылдын ушул мезгилине салыштырмалуу 14,4%га аз.
Мындай маалыматты Улуттук статистика комитети билдирди.
Ошону менен катар экспорттук жеткирүүлөр 27,2%га, импорттук келүүлөр 11,7%га кыскарган. Евразия экономикалык биримдигинин (ЕАЭБ) мүчө-мамлекеттери менен өз ара сооданын көлөмү ушул мезгилде 1,8567 млрд АКШ долларын түздү, бул 2024-жылдын январь-майына салыштырмалуу 7,4%га аз.
ЕАЭБ менен болгон өз ара сооданын эң чоң үлүшү Орусияга – 67,3% жана Казакстанга – 30,5% туура келет.
Комментариев нет. Авторизуйтесь, чтобы оставить комментарий.