КРнын банктарынын 2024-жылдагы лидерлери: үч ири банк алдыңкы орунда

2024-жылдын жыйынтыгы боюнча Кыргызстандын коммерциялык банктары финансылык көрсөткүчтөрдүн ишенимдүү өсүшүн көрсөтүштү. Banks.kg порталы  Улуттук статистикалык комитетке таянып,  кызыктуу маалыматтарды тапты.

Улуттук статистикалык комитеттин маалыматы боюнча, өткөн жылы өлкөдө 21 коммерциялык банк жана 314 филиал иштеп, дээрлик 23 миң адам иш менен камсыз болгон. Ошол эле учурда үч банк жоюу процессинде болсо, бир банктын лицензиясы жокко чыгарылган.

Банк секторунун жалпы кирешеси 117,2 млрд сомду түздү, бул 2023-жылга салыштырмалуу 36,2%га көп. Пайданын өсүшүнө болгон негизги салым  валюталык операциялар (+13,1 млрд сом), кредиттер боюнча пайыздык кирешелер (+11 млрд сом) жана комиссиялык кирешелер (+3 млрд сом) кошкон.

Банктык чыгашалар да көбөйүп, 83,6 млрд сомго жетти, бул өткөн жылга салыштырмалуу 23,8 млрд сомго көп.

Чыгымдардын көбөйгөнүнө карабастан, өлкөдөгү бардык коммерциялык банктар 2024-жылды оң финансылык жыйынтык менен аяктады. Банк секторунун жалпы таза кирешеси 33,5 миллиард сомго жетип, 2023-жылга салыштырмалуу 27,3%га жогору.

Кирешенин көлөмү боюнча лидерлер:

•ААК «Айыл Банк»;

•ААК «МБанк»;

•ААК «Элдик Банк».

Эксперттер финансы секторунун туруктуу өсүшү валюталык операциялардын жигердүү өнүгүшү, кредиттөө жана банктык кызматтардын спектрин кеңейтүү менен камсыз болгондугун белгилешет.