Кыргызстандыктар үч ай ичинде 23 млрд сом микрокредит алышкан

Бул тууралуу Улуттук статистика комитетинин маалыматында айтылат.

Микрокредит алгандардын саны дароо 2,4 эсеге тагыраагы – 342,8 миңден 806,9 миң адамга чейин көбөйдү. Мындай кескин өсүү онлайн насыялоонун тез өнүгүшү менен байланыштуу.

Кредит берүүнүн көлөмүнүн өскөнүнө карабастан, бир микрокредиттин орточо өлчөмү дээрлик эки эсеге - 55,1 миңден 28,9 миң сомго чейин кыскарган, бул көрүнүш чакан онлайн кредиттердин санынын өсүшү менен байланыштуу болууда.

Көбүнчө насыяны канча мөөнөткө алышат

Микронасыялардын эң чоң көлөмү төмөнкү мөөнөттөргө берилген:

• бир жылдан үч жылга чейин — 7,25 миллиард сом (жалпы көлөмдүн 31,1%ы);
• үч айга чейин — 6,78 миллиард сом (29,1%);
• алты айдан бир жылга чейин — 5,66 миллиард сом (24,3%).

Көпчүлүк насыялар - жеке чыгымдарга жумшалат

Микрокредиттердин негизги бөлүгү керектөөчүлөрдүн муктаждыктарына жумшалган - 14,67 миллиард сом же жалпы көлөмдүн 63%.

Мындан тышкары, карызга алынган каражаттар төмөнкүлөргө бөлүнгөн:

• айыл чарбасын өнүктүрүүгө - 16,4%;
• соода жана тамак-аш кызматтарына - 9,4%;
• тиричилик тейлөөсүнө - 3%;
• транспорт жана байланышка - 2,5%.

Эң көп микрокредиттер кайсы жерлерде берилет?

Берилген микрокредиттердин көлөмү боюнча Бишкек шаары алдыңкы орунду ээлеп, жалпы суммасы 7,24 миллиард сомду түзгөн, ал эми  кредиттердин 31,1%ын камтыйт.

Андан кийинки орундарда төмөнкүлөр турат:

• Ош облусу – 3,61 миллиард сом (15,5%);
• Жалал-Абад облусу – 3,06 миллиард сом (13,1%);
• Чүй облусу – 2,98 миллиард сом (12,8%).

Ошондой эле, бул аймактар карыз алуучулардын эң көп саны катталган аймактар болуп саналат.

Жалпы карыздын көлөмү 63 миллиард сомдон ашты

2026-жылдын 1-апрелине карата калктын микрокредиттер боюнча карызы 63,02 миллиард сомду түздү.

Карыздын эң чоң үлүшү төмөнкү аймактарга туура келет:

• Бишкек - 28,3%;
• Чүй облусу - 15%;
• Ош облусу - 15%;
• Жалал-Абад облусу - 13,3%.

Насыя алуучулардын санынын өсүшү, кредиттин орточо көлөмүнүн төмөндөшү микрофинансылык уюмдар кардарлардын кеңири чөйрөсүнө жеткиликтүү чакан онлайн кредиттер тармагын барган сайын өнүктүрүп жатканын айгинелеп турат.