Улуттук банк эскилиги жеткен долларларды КРнын аймагынан алып чыгуу уруксатын күзгө чейин узартты

КРнын Улуттук банкынын 2026-жылдын 18-февралындагы «Кыргыз Республикасынын Улуттук банк Башкармасынын 2024-жылдын 13-декабрындагы «Кыргыз Республикасынын коммерциялык банктарына эскилиги жеткен нак АКШ долларларын алып чыгууга убактылуу уруксат берүү жөнүндө» токтомуна өзгөртүүлөрдү киргизүү тууралуу» токтому менен төмөнкүдөй чечим кабыл алынды: 

2026-жылдын 1-сентябрына чейин коммерциялык банктарга эскилиги жеткен нак АКШ долларларын, анын ичинде 2006-жылга чейинки үлгүдөгү нак АКШ долларларын башка нак жана (же) нак эмес АКШ долларларына алмаштыруу максатында Кыргыз Республикасынын чегинен тышкары алып чыгууга уруксат берилсин.

Акча-кредиттик операциялар башкармалыгы жана Банк эмес уюмдарды көзөмөлдөө башкармалыгы токтом күчүнө кирген күндөн тартып 3 жумуш күнү ичинде документти төмөнкүлөргө тааныштырсын:

• коммерциялык банктарга; 
• чет өлкө валютасын сатууга жана сатып алууга укуктуу микрофинансылык жана микрокредиттик компанияларга; 
• алмашуу бюролоруна; 
• «Кыргызстан банктарынын союзу» юридикалык жактар бирикмесине; 
• «Микрофинансы уюмдарынын ассоциациясы» юридикалык жактар бирикмесине; 
• «Альянс» алмашуу бюролорунун ассоциациясы» юридикалык жактар бирикмесине; 
• Экономика жана коммерция министрлигине; 
• Мамлекеттик бажы кызматына; 
• УКМКнын Чек ара кызматына.