Улуттук банк эскирген долларларды алып чыгууга уруксатты кайрадан узартты

Анда төмөнкүдөй чечим кабыл алынды:

2026-жылдын 1-мартына чейин коммерциялык банктарга эскилиги жеткен нак АКШ долларларын, анын ичинде 2006-жылга чейинки үлгүдөгү нак АКШ долларларын башка нак жана/же нак эмес АКШ долларларына алмаштыруу максатында Кыргызстандын чегинен тышкары алып чыгууга уруксат берилсин. 

Токтом менен толук бул шилтеме аркылуу тааныша аласыз. 

Эске салсак, Улуттук банктын 2024-жылдын 13-декабрындагы «Кыргыз Республикасынын коммерциялык банктарына эскирген АКШ долларларын убактылуу сыртка чыгарууга уруксат берүү жөнүндө» токтомуна ылайык, коммерциялык банктарга 2025-жылдын 1-апрелине чейин Кыргыз Республикасынын аймагынан эскирген АКШ долларлар менен 2006-жылга чейинки накталай АКШ долларларын сыртка чыгарууга уруксат берилди. Алардын ордуна жаңы үлгүдөгү накталай жана (же) накталай эмес АКШ долларларын алуу мүмкүнчүлүгү берилет.

Ал эми 2025-жылдын март айында Улуттук банк Кыргыз Республикасынан эскирген АКШ долларын алып чыгууга уруксатты 2025-жылдын 1-сентябрына чейин узарткан.