Кыргызстанда микрокредит алгандардын саны көбөйдү. Статистика

Статкомдун маалыматына ылайык, 2026-жылдын үч айында эле өлкөдө 23 млрд сомдон ашык насыя берилген. Микрокредитти 807 миңге жакын адам алган. 

Өткөн жылга салыштырмалуу микрокредиттердин көлөмү 23%га, ал эми насыя алуучулардын саны эки эсеге өскөн. Мунун негизги себеби кыска мөөнөттүү онлайн-насыялардын популярдуулугу болууда.

Кредиттердин басымдуу бөлүгү 63% жеке жана тиричилик муктаждыктарына алынган. Микрокредиттердин дагы 16%ы Кыргызстандын жарандары тарабынан айыл чарба багытында, ал эми 9%дан ашыгы соода жана коомдук тамактануу үчүн алынган.

Насыя алуучулардын эң көбү Бишкек шаарынын тургундары болду, жалпы сандын дээрлик - 46%ын түздү. Андан кийин - Чүй облусу 12%, Ош облусу - 10%, Жалал-Абад облусу - 9,5%.

Эң көп микрокредиттер Бишкек, Ош, Жалал-Абад жана Чүй облустарынын тургундарына да берилген.