Кыргызстанда ата-энелерге ар бир бала үчүн жөлөкпул төлөнөт

Документке ылайык, 2026-жылдын 1-июлунан тарта үч жашка чейинки бардык балдарга үй-бүлөнүн кирешесине карабастан айына 1200 сомдон берилет. Каражат республикалык бюджеттен бөлүнөт.

Төлөмдү ата-энелер, камкорчулар же асырап алуучулар ала алышат. Арыздарды «Түндүк» системасы аркылуу же социалдык кызмат көрсөтүү бөлүмдөрүнө тапшырса болот. Чечим беш жумушчу күндүн ичинде же онлайн режиминде бир күндүн ичинде кабыл алынат.

Бийлик ошондой эле процедураны жөнөкөйлөтүүнү убада кылууда: бир гана паспорт, туулгандыгы тууралуу күбөлүк жана жеке идентификациялык номери талап кылынат. Жөлөкпул бала үч жашка чыкканга чейин берилет.

Документ президент Садыр Жапаровдун жарлыгы менен иштелип чыккан.