Пол Аткинс Баалуу кагаздар жана биржалар боюнча комиссиянын башчысы болуп дайындалды

Аткинстин дайындалуусу президент Трамп тарабынан сунушталып, анда  өткөн жылдын аягында агенттиктин башкаруу кызматына Уолл-стриттин мурдагы кеңешчисин көрсөткөндөн кийин болгон.  Бул Аткинс үчүн SECдеалгачкы жолку тажрыйба эмес, ал 2002-жылдан 2008-жылга чейин дүйнөлүк каржы кризиси күчөгөн маалда комиссар болуп иштеген. 

«Биздин комиссиянын ардагери катары, биз анын миссиябызды аткарууда бизге жана биздин берилген кызматкерлердин катарына кошулушун чыдамсыздык менен күтөбүз», - деп айтылат агенттиктин комиссарларынын 9-апрелдеги билдирүүсүндө.

2009-жылы Аткинс консалтингдик Patomak Global Partners аталышындагы фирманы негиздеген. Мндан тышкары, ал 2017-жылдан 2024-жылдын аягына чейин криптоиндустриясын коргоочу Token Alliance тобунун теңтөрагасы болуп иштеген.

Ант бергенден кийин Аткинс, Гари Генслер кызматтан кеткенден бери 20-январдан тарта SEC башчысынын милдетин аткаруучу болуп иштеген Марк Уэданын ордуна келет. Генслердин тушунда SEC баалуу кагаздар боюнча мыйзамдарды бузгандыгы үчүн криптокомпанияларга каршы көптөгөн соттук иштерди жана иликтөөлөрдү баштаган.

Сенаттын Банк комитетинин төрагасы Тим Скотт Трамптын администрациясынын тушунда SEC кызматын ээлеген Аткинсти криптовалютага карата достук мамилени улантып кетет деген ишенимин билдирди.

«Аткинс ошондой эле санариптик активдер үчүн ченемдик айкындуулукту камсыздайт, бул америкалык инновациялардын гүлдөшүнө жана глобалдык аренада биздин атаандаштыкка туруштук берүүбүзгө кепилдик берет», – деп билдирген Скотт.

Трамптын тушунда SEC Криптовалюталык жумушчу тобун өнөр жай өкүлдөрү менен кеңешүү үчүн түзүп, Генслердин тушундагы SEC тарабынан башталган бир нече криптовалюталык иликтөөлөрдү жана укук коргоо иш-аракеттерин токтотту.
Аткинстин башкарууга башкача мамиле жасай турганы күтүлүүдө. Март айындагы Сенаттын угуусунда, ал SEC компаниясындагы өзүнүн эң негизги артыкчылыктарынын бири «принципиалдуу мамиле аркылуу санариптик активдер үчүн күчтүү ченемдик базаны түзүү» болорун айткан.
Айрым финансылык декларациялар, Аткинстин 6 миллион долларга чейинки криптовалюталык инвестицияларга ээлик кыларын анын ичинде Anchorage Digital криптовалютасын сактоо платформасына жана Securitize blockchain платформасына инвестицияларды саларын, Fortune басылмасына таянып эл аралык басылмалар жазган.