Бул тууралуу КРнын Улуттук статистика комитетинен билдиришти.
ЕАЭБ өлкөлөрүндө баалардын жана тарифтердин өсүшү экономикага жана калктын турмушуна таасирин тийгизген актуалдуу маселе болуп саналат.
2025-жылдын июнунда өткөн айга салыштырмалуу ЕАЭБдин бардык мүчө-өлкөлөрүндө керектөө бааларынын жана тарифтеринин жогорулашы катталды, Арменияны кошпогондо, 1,3 пайызга төмөндөө байкалган. Кыргызстанда баанын өсүшү (0,7 пайызга) белгиленди, бул азык-түлүк товарлардын (1,0 пайызга) бааларынын өсүшү менен шартталган.
2025-жылдын июнунда 2024-жылдын декабрына салыштырмалуу экономиканын керектөө секторунда инфляциянын эң жогорку деңгээли (7,0 пайыз) Казакстанда катталган, бул баанын азык-түлүк товарларга (7,6 пайызга), азык-түлүк эмес товарларга (4,5 пайызга), ошондой эле кызмат көрсөтүүлөргө тарифтердин (8,7 пайызга) жогорулашы менен шартталган.
Эске салсак, 2025-жылдын май айында инфляциянын жогорку деңгээли Казакстанда катталган. 2024-жылдын декабрь айына салыштырмалуу өлкөдө керектөө баалары 6,1 пайызга өскөн.
Комментарии
Пока нет комментариев
Будьте первым, кто оставит комментарий!
Чтобы оставить комментарий, необходимо авторизоваться.