1-июлдан баштап салыктарды QR-код жана төлөм коду аркылуу төлөөгө мүмкүн

Жумушчу жолугушууга салык кызматынын төрагасынын орун басары Мирлан Рахманов катышты.

Маалыматка караганда, жолугушуунун негизги темасы 2025-жылдын 1-июлунан тартып, банктардын кассалары аркылуу салыктарды, салык органдары тарабынан башкарылган салыктык эмес төлөмдөрдү жана камсыздандыруу төгүмдөрүн төлөөнү QR-код аркылуу жүргүзүү механизмине өтүү болду.

Жаңы механизмдин артыкчылыктары:

• Салык төлөөчүнүн төлөгөн каражаттары онлайн режиминде бюджетке түшөт; 
• Банк кассасында төлөм документтери, реквизиттерди толтурууда кол менен толтуруу кетчү каталар жоюлат; 
• Салык төлөөчүлөргө банк кассаларындагы узун кезектерди жоёт, убакытты үнөмдөйт.

Салык төлөөчү төлөм кодун же QR-кодду төмөнкү жолдор менен түзө алат:

• Салык төлөөчүнүн кабинетинде же мобилдик тиркеме аркылуу өз алдынча («Салыктарды төлөө» башкы бетинде);
• Бирдиктүү терезелерде (Ишкерлерди тейлөө борборлорунда, аймактык Салык кызматтарында).

Салык кызматы аталган жаңы өзгөрүүлөр салыктарды төлөө жана ошондой эле салык төлөөчүлөр үчүн ыңгайлуу шарттарды түзүү максатында киргизилип жатканын баса белгиледи.