Кыргызстандык соодагерлер Тажикстанга товарларын Wildberries аркылуу сата алышат

Бул кыргызстандык ишкерлер үчүн жаңы мүмкүнчүлүктөргө жол ачат – эми алар тажик тараптын соода кошумча чыгымдарсыз кире алышат.

22-апрелден тарта Wildberries Дүйшөмбү жана Худжанд шаарларына жүк жеткире баштады. Буйрутмаларды Wildberries.tj сайты же мобилдик тиркеме аркылуу берсе болот. Тажикстанда сатып алуучулар кийим-кече, тиричилик буюмдары, үй-бүлөгө керектүү жана балдар үчүн буюмдарды кошкондо жалпы 8 миллиондон ашык товардын түрлөрүн ала алышат.

Тажикстандын борбору Дүйшөмбү шаарында алгачкы эки буйрутмаларды берүү пункту ачылды - Абдулкосим Лохути көчөсү 15 жана Пулоди көчөсү 43. Үчүнчү пункт 23-апрелде Худжанд шаарында ачылат, дареги Камоли Худжанди көчосү 138. Орточо жеткирүү мөөнөтү 10-14 күн.

Ишке киргизүү DC Market компаниясы менен биргеликте ишке ашырылууда. Wildberriesтин негиздөөчүсү Татьяна Кимдин айтымында, компания Тажикстанда электрондук коммерция үчүн чоң мүмкүнчүлүктөрдү ачат.

«Биздин негизги максатыбыз – жогорку деңгээлдеги тейлөөнү жана жеткиликтүү баада кеңири ассортименттеги продукцияга жетүүнү камсыз кылуу.Тажик рыногуна кирүү – бүтүндөй аймактык экосистеманы өнүктүрүүдөгү маанилүү кадам», - деп билдирген ал.

Wildberriesтин Тажикстанда болушу маркетплейсти тогуз өлкөдө, анын ичинде Кыргызстанда жеткиликтүү кылат. Бул кыргызстандык сатуучуларга экспортту гана көбөйтпөстөн, бүтүндөй Борбор Азия рыногунда кардарлар базасын кеңейтүүгө мүмкүндүк берет.