Кыргызстанда калкка кызмат көрсөтүү байкаларлык денгээлде кымбаттады

Бул тууралуу Улуттук статистика  комитетинин төрагасынын орун басары Бакытбек Шокенов брифингде билдирди.

Январдан апрель айларына чейин инфляция 4%ды түздү. Эң көп өсүү калкка кызмат көрсөтүүдө болуп, 6,6%га өскөн. Азык-түлүккө жана алкоголсуз суусундуктарга баа 4,7%га, алкоголдук ичимдиктерге жана тамекиге 5%га, азык-түлүк эмес товарларга 1%га кымбаттады.

Баалардын өсүшү өлкөнүн бардык аймактарында катталган. 

Эң жогорку инфляция Ош облусунда 8,7% менен катталган. Анда эң көп өсүү калкка кызмат көрсөтүүдө 15,4%, алкоголдук ичимдиктер жана тамекилерде 13,3%, азык-түлүк эмес товарларда 6,7% жана тамак-ашта 5,6% болгон.