Садыр Жапров эмне себептен рубль менен бир гана банк иштей турганын түшүндүрдү

«Капитал банк» болсо – 100 пайыз мамлекеттик банк. Каржы министрлиги 100 пайыз ээлик кылат жана аны толук көзөмөлдөп турат», - деп билдирди президент. 

Анын айтымында, рублдик операциялардын баарын бир банкка өткөрүү чечими «Керемет банкка» каршы санкциялар киргизилгенден кийин кабыл алынган.

«Рубль менен бир эле банк иштесин, баары көзөмөлдө болсун, керек болсо күндө силерге отчёт берип турсун деп бул банкты аныктаганбыз. Ошондуктан бүгүнкү күндө рубль менен бир гана «Капитал банк» иштеп жатат», - деп белгиледи ал. 

Өлкө башчысы башка банктарга рублдан башка валюталарга эч кандай чек жок экендигин каалагандай иштей беришсе боло турганын айтты.

«Эч кандай Ширшов-Миршов дегендер жок. «Капитал банк» мамлекеттин, тагыраагы, Каржы министрлигинин көзөмөлүндө иштейт. Ошондуктан ар кандай имиштерге ишене бериштин кажети жок», - деди президент.

Садыр Жапров Америка тарап банктарыбга санкция сала беришсе, анда бул аракеттерин жөн гана Кыргыз мамлекетине болгон бут тосуулары деп билсе болорун белгиледи.