Жасалма интеллект алдамчылардын кызматында: эксперттер коңгуроо кагууда

Бул тууралуу Binance билдирди.

Криптотармагындагы эксперттер жасалма интеллекттин потенциалдуу коркунучтары тууралуу эскертишти. Инновация менен бирге жасалма интеллект дагы жаңы тобокелдиктерди алып келди, мисалы, криптовалюта колдонуучуларынын жүзүн көчүргөн алдамчылык чабуулдар. Мындай коркунуч алгач дипфейкс жеткиликтүү болгондон кийин популярдуу болуп баштаган. Алдамчылар маалыматтарды социалдык тармактардагы сүрөттөрдөн, уурдалган өздүк документтерден же видеолордон алышат. Бул жүзүн таанууну буйтап өтүп, мүмкүн болуучу курмандыктардын аккаунттарына кирүү мүмкүнчүлүгүн берет. 

Инструменттер: ачык булактагы сүрөттөр жана уурдалган телефондор 

Адегенде адамдардын жүзүн колдонуу чабуулдары жалпыга жеткиликтүү сүрөттөргө гана таянган: социалдык тармактардагы сүрөттөр же ар кандай түйүндөргө жайылып кеткен айдоочулук күбөлүктөр. Бүгүнкү күндө жасалма интеллект жүздү ынанымдуу моделге айкалыштыра алат жана текшерүү системаларынын көбүн оңой эле алдайт. Интернеттеги адамдын ар бир сүрөтү ага каршы потенциалдуу курал болуп саналат. Чабуул куралдары - бул бөлүшүлгөн сүрөттөр, теги бар посттор, жада калса арткы фондогу сиз менен болгон видеолор.

Муну менен эле жыйынтыкталбайт: Binance криптокапчыгына кирүү мүмкүнчүлүгү бар телефон же ноутбук дагы коркунучта. Эгер анын кулпусу ачылса же ишенимдүү коопсуздугу жок болсо, алдамчылар аппаратка физикалык мүмкүнчүлүктү жасалма интеллект жүзү менен айкалыштыра алышат жана капчыкка кире алышат. Аккаунттары бар компьютерлерди аралыктан колдонсо болорун билсеңиз керек. 

Binance өз колдонуучуларынын каражаттарынын уурдалуусунан кантип коргойт?

Компания чабуулдарга анализ жүргүзөт жана жасалма интеллект менен иштеген алдамчылыкка тиешеси бар деп табылган шектүү аккаунттарды кара тизмеге киргизет.

Binance адистери системаны үзгүлтүксүз жаңыртып,  ЖИ-фейктерди аныктоо үчүн жүздү текшерүү технологиясын өркүндөтүп, чабуулчулардан алдыга озуп келет.

Өзүңүздү алдамчылардын чабуулдарынан кантип коргоо керек?

• Коопсуздугуңузга сак болуңуз. Эгер сиз соцтармактарга селфи-сүрөт же видеолорду жайгаштырсаңыз, купуялык жөндөөлөрдүн жардамы менен ишенимдүү адамдардын кирүү мүмкүнчүлүгүн чектеңиз.
• Түзмөктөрүңүздү күчтүү сыр сөздөр жана эки факторлуу аутентификация менен кулпулап, кирүү маалыматын сактабаңыз.
• Эгер кандайдыр бир шектүү кирүү аракеттерин байкасаңыз, тез арада аракет кылып, Binance аккаунтуңузду тоңдуруңуз. Эгер түзмөгүңүздү жоготуп алсаңыз, колдоо кызматына кайрылыңыз.
• Шектүү шилтемелерди бул жактан https://www.binance.com/en/official-verification текшериңиз.  

Жүздү таануу чабуулдарынын көбөйүшү - жасалма интеллекттин биздин куралдарыбызды бизге каршы кандайча колдонушу мүмкүн экендигинин маанилүү эскертүүсү. Жалгыз селфиден кулпусу ачылган телефонго чейин шылуундар сокку уруунун жаңы жолдорун издеп жатышат. Өздүгүңүздү коргоп, түзмөктөрүңүздүн коопсуздугун камсыздап, коркунучтун биринчи белгисинде тез аракеттениңиз. 

Эске салсак, БУУнун Коопсуздук кеңешинин ЖИ өнүктүрүүгө арналган жыйынында Антониу Гутерриш жасалма интеллектти көзөмөлдөө боюнча чукул чараларды көрүүгө чакырган. Ал эл аралык коомчулукка «бүгүн болуп жаткан окуялар башталышы гана, ал эми мындан ары эмне болорун алдын ала айтуу мүмкүн эмес» деп эскерткен болчу.

«Жасалма интеллект технологиясын жайылтуу ылдамдыгы жана масштабы, анын бардык түрлөрү боюнча таптакыр болуп көрбөгөндөй болуп саналат. ЖИ басма станогу менен салыштырылган, бирок китептер Европада жеткиликтүү болушу үчүн 50 жылдан ашык убакыт талап кылынса, ChatGPT эки айдын ичинде 100 миллион колдонуучуга жетип жатат», - деген БУУнун Башкы катчысы.

Париждеги ЖИ-саммитинде анын коомго жана климатка тийгизген таасирин талкуулоодо Антониу Гутерриш дүйнө жасалма интеллекттин келечегине даяр эмес экенин дагы бир жолу баса белгилеген.

БУУнун башчысы буга чейин ЖИ потенциалы аз сандагы өлкөлөрдө бир нече күчтүү компанияларга багытталганын белгилеген.