Кыргызстанда пенсиянын орточо көлөмү 11 миң сомдон ашты

Социалдык фонддун маалыматына ылайык, пенсияларга индексация төмөнкүдөй жүргүзүлдү:

• камсыздандыруу бөлүгү 50 миң сомго чейин болгон пенсиялар 10%га жогорулатылды, бирок 600 сомдон кем эмес өлчөмдө;
• пенсиясы 50 000 сомдон ашкан пенсионерлердин пенсиясы 5 000 сомго жогорулады.

Жалпы пенсиянын өлчөмү бардык кошумчаларды эске алуу менен 7100 сомдон төмөн болбойт, мыйзамда белгиленген өзгөчө учурларды эсепке албаганда.

Пенсиянын камсыздандыруу бөлүгүн индексациялоо үчүн 2 млрд 43 млн сомдон ашык каражат каралган.

2025-жылдын 1-октябрына карата Кыргызстанда 818,7 миң пенсионер бар. Индексациядан кийин орточо пенсиянын көлөмү 11 226 сомду түздү.