Кыргызстандын ИДПсы 1,3 трлн сомдон ашты

Улуттук статистика комитетинин төрагасынын биринчи орун басары Назира Керималиева брифингде билдиргендей, алдын ала баалоо боюнча ички дүң продукт 1 триллион 396 миллиард сомдон ашып, 2025-жылдын ушул эле мезгилине салыштырмалуу 11%га өскөн.

Ички дүң продуктунун түзүмүндө эң чоң үлүштү кызмат көрсөтүү чөйрөсү ээлеп, 49%дан ашты. Өнөр жайдын үлүшү болжол менен 19%, айыл чарбасыныкы - 7,4%, курулуштуку - 8,4%, ал эми азык-түлүктөргө болгон салыктардын үлүшү 16%ды түздү.

Өнөр жай өндүрүшүнүн көлөмү болжол менен 601 миллиард сомго жетип, 8,8%га өстү. Өсүшкө, атап айтканда, металл өндүрүү, тамак-аш азыктарын, фармацевтика, курулуш материалдарын, химиялык продукцияларды, мунайзаттарды, транспорт каражаттарын өндүрүү жана пайдалуу кендерди казып алуу тармактары салым кошту.

Айыл, токой чарбасы жана балык уулоо тармактарында 298,3 миллиард сомдук продукция өндүрүлүп, өсүш 6,4%ды түздү.

Эң олуттуу динамика курулуш тармагында байкалды. Дүң продукциянын көлөмү 300,5 миллиард сомго жетип, дароо 61%га өстү.

Ошондой эле дүң жана чекене соода жүгүртүүсү 4,4%га өсүп, 1 триллион 396 миллиард сомдон ашты.

Өзүнчө негизги капиталга инвестициялар да өстү. Сегиз айда алардын көлөмү 281,8 миллиард сомду түзүп, өткөн жылга салыштырмалуу 61,2%га көбөйдү. Каржылоонун ички булактары 1,5 эсеге, тышкы булактары 2,2 эсеге өстү.

Бардык инвестициялардын болжол менен 94%ы транспорт жана жүктөрдү сактоо, пайдалуу кендерди казып алуу, билим берүү, энергетика, кайра иштетүү өндүрүштөрү жана турак жай курулушуна багытталды.