Кыш алдында азык-түлүк жана көмүр канча турат? Кыргызстан боюнча жаңы баалар

Монополияга каршы жөнгө салуу кызматынын маалыматына караганда, мониторингдин жыйынтыгы боюнча кой этинин бир килограммы орточо 850 сом, уй этинин бир килограммы 780 сом турат. Негизги азык-түлүктөрдүн ичинен эң кымбатын сары май түздү. 

Өлкө боюнча негизги азык-түлүктөрдүн баалары:

• Кой эти - кг үчүн 850 сом;
• Уй эти - кг үчүн 780 сом;
• Сары май - кг үчүн 671,1 сом;
• Күрүч - кг үчүн 144,4 сом;
• Кант - 1 кг үчүн 79,1 сом;
• Жумуртка - 10 даанасы үчүн 123,4 сом;
• Күн карама майы - литри үчүн 171,3 сом;
• Сүт - литри үчүн 85,6 сом;
• Картошка - кг үчүн 31,6 сом;
• Пияз - кг үчүн 30,2 сом;
• Сабиз - кг үчүн 47,6 сом.

АИ-92 үлгүсүндөгү бензиндин орточо баасы литрине 88,4 сомду, дизель майынын баасы 100,6 сомду, авто газдын баасы - 49,3 сомду түздү.

Жергиликтүү көмүрдүн бир тоннасы орточо 7 441,7 сом, импорттук көмүрдүн бир тоннасы - 9 100 сом турат.

Эске салсак, жыл башынан бери Кыргызстанда баалар жана тарифтер 8,1%га өстү.

Акыркы маалыматтар боюнча, Кыргызстанда калктын киши башына эсептелген орточо жашоо минимуму айына 9 890,28 сомду түздү.