Күрөөканалардын уставдык капиталынын минималдуу өлчөмү 6 эсеге көбөйтүлүшү мүмкүн

Жөнгө салуунун максаты 

Сунушталып жаткан өзгөртүү 2026-жылдын 1-июлунан тартып күрөөканалардын минималдуу уставдык капиталын 3 миллион сомдон 20 миллион сомго чейин жогорулатууну карайт. Негизги максат - күрөөканалардын финансылык туруктуулугун бекемдөө жана натыйжалуулугун жогорулатуу, ошондой эле көрсөтүлүүчү кызматтардын сапатын жогорулатуу болуп саналат.

Маселелер

Бүгүнкү күндө 3 миллион сом өлчөмүндө белгиленген минималдуу капитал ломбарддарга төмөнкүлөргө жол бербейт:

• банк кредиттерин тартуу (финансылык туруктуулуктун жетишсиздигинен);
• модернизациялоого жана жабдууларга инвестиция салуу;
• узак мөөнөттүү жана ачык-айкын ишти камсыз кылуу.

Мындан тышкары, аталган кызмат белгилегендей, рынокто «убактылуу» компаниялардын санынын көбөйүшү байкалууда, бул кардарлар үчүн тобокелдиктерди жаратып, тармакка болгон ишенимди кетирүүдө.

Сунушталган чаралар 

• Уставдык капиталды 20 миллион сомго чейин көбөйтүү;
• КРнын Өкмөтүнүн 2017-жылдын 8-июнундагы №353 токтомуна тиешелүү өзгөртүүлөрдү киргизүү;
• Күрөөкана ишмердүүлүгүнүн бардык катышуучулары үчүн бирдиктүү ченемдик-укуктук базаны жана стандарттарды иштеп чыгуу.

Капиталды төмөнкүлөр аркылуу көбөйтүүгө болот, деп болжолдонууда:

• компаниянын өздүк каражаттары;
• катышуучулардын кошумча салымдары; 
• инвесторлорду тартуу.

Күтүлүп жаткан артыкчылыктар

• Рынокто туруктуу, капиталдаштырылган күрөөканалардын пайда болушу;
• Кардарлардын ишеним деңгээлин жогорулатуу;
• Кредиттер боюнча пайыздык чендердин потенциалдуу төмөндөшү;

Мүмкүн болгон кесепеттер

Маалыматка ылайык, бизнес үчүн да, мамлекеттик бюджет үчүн да эч кандай терс кесепеттер же кошумча чыгымдар күтүлбөйт.

Статистика

2025-жылдын 1-июлуна карата республикада лицензиясы бар 431 ломбард катталган:

• Бишкек — 36%;
• Ош облусу — 21%;
• Жалал-Абад облусу — 12%;
• Башка аймактар — 31%.

Аталган кызмат рыноктун катышуучуларын жана жарандарды төмөнкү маселелерди талкуулоого чакырат:

• Демилге канчалык негиздүү?
• Сунушталган чечим жетиштүү натыйжалуубу?
• Бул жөнгө салууну ишке ашыруу кандай тобокелдиктерди алып келиши мүмкүн?
• Максатка жетүү үчүн башка альтернативалык чаралар барбы?

Сунуштарды жана сын-пикирлерди белгиленген тартипте жогорудагы ведомстовго жөнөтсө болот.