Банк секторунда ислам принциптерине ылайык каржылоонун көлөмү туруктуу өсүүдө
Жыл башынан бери ислам принциптерине ылайык каржылоо боюнча бүтүмдөрдүн көлөмү 64,2%га өсүп, 31,6 млрд сомго жетти. Үчүнчү чейректин аягында республиканын 6 коммерциялык банкы тиешелүү кызматтарды көрсөтүп, мунун фонунда банк секторунун активдери жана кредиттик портфели да жалпы өсүштү көрсөттү.

Банк секторунун өнүгүүсүндөгү негизги тенденциялар тууралуу Улуттук банктан маалымдашты.
30-сентябрга карата Кыргызстандын аймагында 26 коммерциялык банк жана 308 филиал иш алып барган. Алты коммерциялык банк улуттук жана (же) чет өлкөлүк валютада банк ишинин жана каржылоонун ислам принциптерине ылайык кызматтарды көрсөткөн.
2026-жылдын башынан бери:
- Банк секторунун жалпы активдери 17,7%га көбөйүп, 1 трлн 425 млрд сомду түздү.
- Банктардын кредиттик портфели 29,9%га өсүп, 658,7 млрд сомго жетти.
- Депозиттердин көлөмү 5,3%га көбөйүп, 912,3 млрд сомду түздү.
- Ислам принциптерине ылайык каржылоонун көлөмү 64,2%га өсүп, 31,6 млрд сомду түздү.
Эске салсак, 31-августка карата жыл башынан бери Кыргызстанда ислам каржылоосунун көлөмү 54%га өскөн. Ал эми 31-июлга карата ислам принциптерине ылайык каржылоонун көлөмү 45,1%га көбөйгөн.
Комментарии
Пока нет комментариев
Будьте первым, кто оставит комментарий!
Чтобы оставить комментарий, необходимо авторизоваться.