Кыргызстандыктардын капчыгы калыңдадыбы?

Бул тууралуу Статкомдон билдиришти. 

2025-жылдын ушул эле мезгилине салыштырмалуу бул көрсөткүч 18,7%га өстү.

Жалпысынан 212,1 миллиард сомду түзгөн жарандардын кирешесинин негизги бөлүгүн эмгек ишмердүүлүгүнөн түшкөн киреше түздү. Ал эми социалдык төлөмдөр 34,2 миллиард сомду, жеке көмөкчү чарбадан түшкөн киреше 16,8 миллиард сомду, ошондой эле башка акчалай түшүүлөр 6,1 миллиард сомду түздү.

Ошол эле учурда керектөө бааларындагы өзгөрүүлөр эске алынган реалдуу кирешелер да, номиналдык кирешелер сыяктуу эле өстү. Алардын январь-март айларындагы жалпы көлөмү 244,5 миллиард сомду түзүп, өткөн жылдын ушул мезгилине салыштырмалуу 7,8%га көбөйдү.

Мындан тышкары, киши башына туура келген сарптоого жарамдуу акчалай киреше, милдеттүү төлөмдөр менен чегерүүлөрдөн кийин жарандардын колунда калган каражат да өстү. Ал айына орточо эсеп менен 12 726,2 сомду түзүп, мурунку жылга салыштырмалуу 16,4%га көбөйдү.

Ошентип, 2026-жылдын башында калктын кирешеси инфляцияга караганда тез өстү, баалардын өсүүсү эске алынган соң, реалдуу өсүү темпи дээрлик 8%ды түздү.

Эскерте кетсек, 2025-жылдын аягына карата Кыргызстан калкынын акчалай кирешеси 987,3 миллиард сомго жеткен.