MBANK БАЭдеги эки алдыңкы коммерциялык банктарда БАЭ дирхамдары менен корреспонденттик эсептерди ачты

Бул кызматташуу банктын ишмердүүлүгүнө комплекстүү аудит жүргүзүүнүн натыйжасында мүмкүн болду жана ААК «Коммерциялык банк КЫРГЫЗСТАН» | MBANK ишенимдүү жана жоопкерчиликтүү өнөктөш банк катары тандоосун көрсөтөт.

«БАЭ дирхамынын жаңы эсептери биздин кардарларыбызга төлөм географиясын кеңейтүүгө жана валютаны конвертациялоо үчүн кошумча альтернативаларды түзүүгө мүмкүндүк берет. Кардарга багытталган баалуулукка таянуу менен, биз кардарларыбыздын жогорку ишенимин актап, дүйнө жүзү боюнча өнөктөш банктардын тармагын кеңейтүүнү улантабыз», - деп белгилейт ААК «Коммерциялык Банк КЫРГЫЗСТАН» Башкармалыгынын Төрагасы Бектур Алиев.

Жаңы мүмкүнчүлүктөн пайдалануу үчүн сизге төмөнкүлөр керек:

Жеке адамдар үчүн

MBANK тиркемесинде «Төлөмдөр» бөлүмүнө өтүңүз - андан кийин «Которуулар» категориясынан – «SWIFT которуулар» тандаңыз. Сумманы киргизиңиз, которуу валютасын тандаңыз жана банктын реквизиттерин көрсөтүңүз.

Юридикалык жактар үчүн

Mbusiness тиркемесинде онлайн дирхам менен эсеп ачуу, «Банктар аралык чет элдик валютадагы которуу» бөлүмүнө өтүп, жаңы төлөм түзүү, талап кылынган талааларды толтуруу жана алуучунун реквизиттерин жана банктык реквизиттерди киргизүү.