MBANK эскертет: алдамчылардан сак болгула!

Алдамчылар ар кандай ыкмаларды колдонууу менен жарандардын аманаттарын жана баалуу буюмдарын уурдоого аракет кылышат.

Кардарлардын банктык маалыматтарын коргоо үчүн, MBANK аралыктан кардарлардын видеоидентификациясын колдонуу менен алдамчылык аракеттердин алдын алуунун заманбап системаларын колдонот. Интернет аркылуу сатып алууларды жүргүзүүдө колдонуучунун эки факторлуу аутентификациясы колдонулат, 3D-Secure.

«Каржыңыздын коопсуздугу биздин башкы приоритетибиз. Кардарларды алдамчылыкка каршы күрөштө колдоо менен, биз сунушган көрсөтмөлөрдү кунт коюп аткарууга чакырабыз. Биргелешкен аракеттер менен биз потенциалдуу коркунучтардан ишенимдүү коргоонуну камсыздай алабыз», - дейт MBANK’тын Кредиттик департаментинин кредит керектөө башкармалыгынын башчысы Руслан Калыбеков.

Ошондой эле, банк тарабынан кардарларга негизги эрежелерди сактоо боюнча туруктуу негизде маалымат берилип турат.

Ушул эрежелерди сактоо менен сиз бул акча каражаттарынын жана аманаттардын коопсуздугуна өз салымыңызды кошо аласыз.

Социалдык тармактарда ишенимдүү болуңуз

Алдамчылар көбүнчө социалдык тармактарды өз курмандыктары жөнүндө маалымат чогултуу үчүн колдонушат. Купуя маалыматты бөлүшпөңүз, шектүү шилтемелерге кирбеңиз жана бейтааныш адамдарга акча которбоңуз.

Шектүү суроолорго жооп бербеңиз

Шектүү билдирүүлөргө, жеке маалымат сураган чалууларга ишенимдүү болуңуз. Банк кызматкерлери эч качан сыр сөздү же башка жеке купуя маалыматтарды сурабайт.

Эгер Сиз шектүү билдирүү же чалуу экенин байкап калсаңыз, анын аныктыгын текшерүү үчүн 3333 номери боюнча Банктын борборуна кайрылыңыз.

Белгисиз номерлерден видео чалууларга жооп бербеңиз

Шылуундар WhatsApp жана Telegram мессенджерлери аркылуу видеобайланыш жүргүзүү менен банктын кызматкерлери катары өздөрүн тааныштырган чалууларды активдүү колдоно башташты.

Алдамчылар видеобайланыш аркылуу кардарларга насыя билдирмени тариздөөнү, ишенимдүү телефон номерин алмаштырууну, акчаны «коопсуз эсепке» которууну же банктын кардарынын жеке кабинетине кирүү мүмкүндүгүн алуу үчүн ар кандай шылтоолор менен СМС-коддорду берүүнү суранышы мүмкүн.

Банк кызматкерлери байланыштын мындай түрүн колдонбой турганын жана кардарга мындай суроолор менен кайрылбай турганын баса белгилеп кетүү маанилүү.

Жеке маалыматтарды эч кимге бербеңиз

Пин-код, CVV-код, паспорт маалыматтарын жана билдирүүлөрдөгү бир жолку коддорду эч кимге бербеңиз.

Татаал сыр сөз түзүңүз

Онлайн-аккаунт эсептериңиз үчүн уникалдуу жана татаал сыр сөздөрүн түзүңүз.

КРУБ айткан шылуундардын айла-амалдарына алдырбаңыз

Кыргызстанда жарандардын каражатына жетүү максатында Улуттук банктын кызматкерлеринин жасалма документтерин көрсөткөн алдамчылардын активдүүлүгү күчөгөнү байкалууда.

Улуттук банктын кызматкерлери эч качан телефон аркылуу жеке жана жашыруун маалыматтарды сурабай турганын эскертет.

MBANK кардарларын ишенимдүү жана этият болууга үндөйт. Банк менен кардарлардын ортосундагы коопсуздук кызматташтыгы банк секторундагы алдамчылыктын алдын алуунун негизги элементи болуп саналат.

Банк коопсуздук чараларын өркүндөтүүнүн үстүндө иштөөнү жана пайда болгон коркунучтар жөнүндө өз кардарларына маалымдоону улантууга милдеттенет.