Кыргызстандын Улуттук банкы рынокко дагы 140 миллион доллар сатты

Финансылык жөнгө салуучу органдын расмий сайтындагы маалыматка ылайык, 10-мартта:

• 36 млн АКШ доллары бүтүмгө келишилген күндөгү эсептөөлөр менен ишке ашырылган;
• 104 млн АКШ доллары бүтүмгө келишилген күндөн башка күндөгү эсептөөлөр менен ишке ашырылган. 

Улуттук банк бул жылы 3 интервенция жүргүздү: 

• 2026-жылдагы биринчи интервенциясын Улуттук банк 19-январда жүргүзүп, 134 миллион АКШ долларын саткан. 
• Экинчи интервенция учурунда жалпысынан 109,95 миллион АКШ доллары сатылган.
• Үчүнчү интервенция эң ири болду - Улуттук банк 162,55 млн долларды ишке ашырды. 

Эске салсак, 2025-жылы Улуттук банк сегиз интервенция боюнча 853 миллион долларды ишке ашырган. Былтыр тескери интервенциялар болгон жок.

2020-жылдан 2025-жылга чейин Улуттук банк 107 интервенция жүргүзгөн. Алты жыл ичинде жөнгө салуучу валюта рыногуна дээрлик 3,8 миллиард АКШ долларын саткан.