Кыргызстандын казынасы пландан тышкары 20 млрд сомдон ашык каражатка толукталды

Бул тууралуу министрлер кабинетинин жетекчиси Адылбек Касымалиевдин төрагалыгы астында өткөн, жылдын биринчи жарымындагы өлкөнүн социалдык-экономикалык өнүгүүсүнүн жыйынтыктары каралган кеңешмеде белгилүү болду.

Анын айтымында, Мамлекеттик салык кызматы 191 млрд 620 млн сом киреше камсыздап, белгиленген көрсөткүчтөн 7 млрд 442,7 млн сомго ашык каражат чогулткан. Аткаруу деңгээли 104%ды түзгөн.

Өз кезегинде, Мамлекеттик бажы кызматы бюджетке 87 млрд 380,4 млн сом түшүүсүн камыздап, белгиленген көрсөткүчтү 4 млрд 385,8 млн сомго ашыкча аткарган. Белгиленген план 105,3%га аткарылды.

Касымалиев коюлган милдеттердин үзгүлтүксүз аткарылышын камсыздоо зарылдыгын баса белгиледи.