«Кепилдик фонд» ААКсынын тейлөө сапатына өнөктөштөрдүн канааттануу деңгээли 88% ашты
«Кепилдик фонд» ААКсы кызмат көрсөтүүлөрдүн сапатына канааттануу деңгээлин баалоо максатында өнөктөш банктар жана финансылык уюмдар арасында сурамжылоо жүргүздү. Изилдөө QuestionPro платформасын колдонуу менен уюштурулган. Сурамжылоого 20 финансы уюм катышты.
Сурамжылоонун негизги жыйынтыктары:
- Респонденттердин 92% «КФ» ААКсынын кепилдиктери кредиттик тобокелдикти эффективдүү бөлүштүрүүчү актуалдуу жана керектүү инструмент экенин белгилешти;
- Катышуучулардын 87,7% «КФ» ААКсынын продукциялары жана процедуралары тууралуу маалымат толук жана өз убагында берилип жатканын ырасташты.
Кызмат көрсөтүүнүн сапатына канааттануунун жалпы деңгээли CSI (Customer Satisfaction Index) ыкмасы боюнча 88,1% түздү.
Бул маалыматтар өнөктөштөр тарабынан ишенимдин жогорку деңгээлин жана «КФ» ААКсы менен финансы секторунун ортосундагы байланыштын натыйжалуулугун тастыктайт.
«Кепилдик фонд» ААК акцияга автивдүү катышкан фку-өнөктөштөргө терең ыраазычылык билдирет.
Комментариев нет. Авторизуйтесь, чтобы оставить комментарий.