Эми жеке ишкерлерди кайра каттоо бир нече мүнөттүн ичинде ишке ашат

Бул тууралуу Мамлекеттик салык кызматы билдирди. 

Арызды кароо мөөнөтү эми болгону 5-10 мүнөт, кызмат күнү-түнү дүйнөнүн каалаган жеринен жеткиликтүү.

Онлайн түрдө төмөнкүлөрдү өзгөртүүгө болот:

• реквизиттерди;
• ишмердүүлүктүн түрлөрүн;
• салык режимин;
• юридикалык даректи (район ичинде же башка районго көчкөндө).

Салык кызматы процесс толугу менен автоматташтырылганын жана салык органына жеке кайрылуунун зарылдыгы жоктугун кошумчалады.

Баса, Салык кызматы ишкерлер үчүн бюрократиялык жол-жоболордун санын кыскартты. Өзгөртүүлөр бизнести жоюуга жана онлайн кайра каттоого тиешелүү. 

Буга чейин Мамлекеттик салык кызматы Banks.kg сайтына салык режимин тандоо жана салыктык эсептерди жүргүзүү тартибин түшүндүрүп берген.