Орусия 2026-жылдан баштап криптовалюталык төлөмдөр үчүн айып пул киргизиши мүмкүн

Бул тууралуу Мамлекеттик думанын каржы рыногу боюнча комитетинин башчысы Анатолий Аксаков «Известия»басылмасына берген маегинде билдирди.

Сунушка ылайык, жеке адамдар үчүн 100 миңден 200 миң рублга чейин, юридикалык жактар үчүн 700 миңден бир миллион рублга чейин айып пул салынышы мүмкүн. Мындан тышкары, мыйзам бузуу менен эсептешүүлөрдө колдонулган криптовалюта конфискацияланат.

Ошол эле учурда, биткоиндин наркы өсүүсүн улантууда. 14-июлда анын Binance биржасындагы баасы 120 миң доллардан ашып, жаңы тарыхый максимумга жетти. Мурунку рекорд 10-июлда Coinbase платформасында коюлган - анда анын баасы 112 миң  долларга жетип, жалпы рыноктук капитализация 2,17 триллион доллардан ашкан.