67 миң сомго чейин: КРде кимдердин айлыгы көтөрүлдү

Бийликтин маалыматы боюнча, кызматкерлердин бир катар категориялардын кирешелери болжол менен 100%га өскөн.

Социалдык камсыздоо системасынын 3 400дөн ашык кызматкерлерине: соцкызматкерлер, интернаттар жана реабилитациялык борборлордун кызматкерлеринин эмгек акылары жогорулатылды.

Мындан тышкары, аларга президенттик фонддон ай сайын негизги кызматкерлерге 15 миң сомдон, техникалык кызматкерлерге 5 миң сомдон кошумча төлөмдөр дайындалды.

1-сентябрдан тарта Эмгек министрлигинин кээ бир кызматкерлери дагы бир жогорулатууну күтүп жатышат.

Мугалимдердин айлыгы да 1-апрелден тарта эки эсеге көбөйдү. Агартуу министрлигинин маалыматы боюнча, жогорулатылгандан кийин билим берүү кызматкерлеринин орточо айлыгы 50 миң 551 сомду түзөт.

Жогорку жана президенттик сыйлыктан кийин айрым мугалимдерге 50-67 миң сом берилет. Ошондой эле мектеп директорлорунун, бала бакчалардын тарбиячыларынын, кесиптик лицейлердин адистеринин айлыктары жогорулады.

Жалпысынан билим берүү системасында 183 977 штаттык бирдик каралган.