Салык кызматы турак-жай сатуудагы мыйзам бузуулар тууралуу кабарлоого чакырат

Маалыматка ылайык, акыркы убактарда курулуш компаниялары мыйзам бузуулар менен жеке жактарга батирлерди саткан учурлар көбөйүүдө. 

Салык кызматы көңүл бурган негизги мыйзам бузуулар: 

• сатып алуучуларга турак жайга менчик укугун тастыктаган укук белгилөөчү документтер берилбейт (сатып алуу-сатуу келишими, кабыл алуу-өткөрүп берүү актысы, менчик укугу жөнүндө күбөлүк ж. б.);
• турак-жайлар иш жүзүндө жашоого берилген, бирок расмий колдонууга берилген эмес;
• батир сатуу боюнча келишимдер мыйзамда каралган тартипте катталбайт, 

Ведомство белгилегендей, бул жарандар үчүн тобокелдиктерди жана куруучулардын ишмердүүлүгүнө салык төлөөдө тоскоолдук жаратышы мүмкүн. Натыйжада турак-жайды сатып алгандардын мыйзамдуу укуктарына коркунуч келтириши мүмкүн.

Жарандардын укуктарын коргоо максатында Салык кызматы батир ээлерине кайрылат:

Эгерде сиз батирде үч айдан ашык жашап жатсаңыз, бирок үй расмий колдонууга берилбесе жана турак-жайга менчик укугун тастыктаган документтерди ала элек болсоңуз, анда бул тууралуу Салык кызматына кабарлаңыз.

Бул үчүн WhatsApp мессенджери аркылуу төмөнкү номерге жазыңыз: +996 503 49-12-33:

• эркин формадагы кыска билдирүү;
• колуңузда бар документтердин скан-көчүрмөлөрү же сүрөттөрү (келишимдер, квитанциялар, кат алышуулар, кабыл алуу-тапшыруу актысы ж.б.)

Ар бир кайрылуу төмөнкү учурларда жардам берет:

• курулуш тармагындагы мыйзамсыз иштерди аныктоого жана токтотууга;
• батир ээлеринин укуктарын коргоого;
• мамлекеттик бюджетке салыктык түшүүлөрдү камсыздоого жардам берет.