Технологиялык миллиардерлер Палмер Лакинин жетекчилиги алдында Erebor жаңы криптобанкын түзүшөт

Технологиялык миллиардер Джо Лонсдейл жакында жаңы криптого багытталган америкалык банкка инвестиция саларын жарыялады, бул банк Anduril компаниясынын негиздөөчүсү Палмер Лаки тарабынан ишке киргизилди. Банк Silicon Valley Bank банкрот болгон соң пайда болгон боштукту толтурууга умтулат. Бул тууралуу Reuters басылмасы кабарлады.

2023-жылдын март айындагы ликвиддүүлүк кризисине чейин Silicon Valley Bank көптөгөн жаңы технологиялык компаниялар жана венчурдук капитал үчүн негизги банктык канал болуп келген, анткени андай ишканаларды адаттагы банктар өтө эле тобокелдүү деп эсептешчү. Көптөгөн стартаптар банкрот болгон соң капиталга жетүүгө жана дароо төлөө талаптарын аткарууга мисалы, айлык акы төлөөдө кыйынчылыкка дуушар болушту.

Palantir компаниясынын негиздөөчүсү, миллиардер Джо Лонсдейл «Erebor» долбоорунун «маңыздуу инвестору» экенин билдирди.

Erebor деп аталган кредитор Улуттук банктан лицензиясын алуу үчүн арыз берди. Банк технологиялык тармактагы ишканаларды, анын ичинде жасалма интеллект, криптовалюта, коргонуу жана өндүрүш тармактарын тейлөөнү пландап жатат, ошондой эле ушул тармактарда иштегендерди жана аларга инвестиция салган адамдарды тейлейт.

Миллиардер Палмер Лаки Oculus VR компаниясынын негиздөөчүсүлөрүнүн бири. Ал Oculus Rift виртуалдык чындык шлемин ойлоп табуунун автору, 2017-жылы Oculus компаниясынан чыгып, Anduril Industries компаниясын негиздеген. Ал компания коргонуу технологияларын, учкучсуз учактар жана аскердик колдонууга арналган сенсорлорду иштеп чыгат.

Anduril*, Palantir* жана Erebor* аталыштары Джон Рональд Руэл Толкиндин «Властелин колец» (Үлкөн жылдыз) чыгармаларынан алынган.

Erebor криптобанкынын штаб-батири Огайо штатындагы Колумбус шаарында жайгашат. Санариптик үлгү менен Нью-Йоркто кошумча кеңсе да уюштурулат. Банкты Оуэн Рапапорт жана мурунку Circle стейблкойн компаниясынын кеңешчиси болгон Джейкоб Хиршман жетектейт. Лаки жана Лонсдейл банктын күнүмдүк башкаруусуна катышышпайт.

Erebor өзүнүн балансына стейблкойндерди стабилдүү алууну пландап жатат. Стейблкойндер доллар сыяктуу валюталарга байланган криптоактивдер болуп, алардын максаты туруктуу бааны сактоо.

Финтех-компаниялар жана каржы мекемелери стейблкойндерди эл аралык төлөмдөрдү ылдамдатуу, эсеп айкындуулугун оңдоо жана санариптик каржы кызматтарына кирүүнү кеңейтүү үчүн көбүрөөк колдонууда.

Erebor компаниясынын жөнгө салуучу документинде Банк «стейблкойндердин транзакцияларын жүргүзүү жана колдоо боюнча жөнгө салынган уюм» болууга умтулары айтылган.

Бул долбоор бир топ эксперттер тарабынан скептицизм менен кабыл алынууда, бирок криптовалюта жана каржы чөйрөсүндө маанилүү окуя катары каралууда, себеби таасирдүү фигуралардан капитал жана тажрыйба бириктирилет.

Эске салсак, дүйнөнүн ар кайсы өлкөлөрүндө криптобанктарды легалдаштыруу жана өнүктүрүү жаатында да аракеттер көрүлүүдө. Мисалы, Кыргызстанда виртуалдык активдерге байланышкан кызматтарды көрсөтүүгө мүмкүнчүлүк берген криптобанктын мыйзам долбоору талкууланууда жана иштелип чыгууда.

Казакстан парламентинде да мамлекеттик криптобанк түзүү сунушталды. Мажилис Азат Перуашев криптобанктын түзүлүшү Казакстанды санариптик каржы технологияларынын регионалдык борбору катары күчтөндүрөрүн, санариптик активдердин көмүскө айланышын кыскартууга жана салык кирешелерин көбөйтүүгө көмөктөшөөрүн белгиледи.

Маалымат үчүн:

Palantir – Америкадагы маалыматты талдоого арналган программалык камсыздоо иштеп чыгуучу компания. Анын негизги кардарлары аскердик структуралар, коопсуздук кызматтары, инвестициялык банктар жана хедж-фонддор. 

Палантир аталышы Толкиндин чыгармаларында болгон «палантир» магиялык таштарынан алынган, алар алыста болуп жатканды көрүүгө мүмкүнчүлүк берет.

Anduril Industries – АКШнын аскердик-өндүрүштүк комплекси. Робот техника, киберкоопсуздук, жасалма интеллект жана коргонуу тармагында иштеп, автономдуу согуштук системаларды жана учкучсуз учактарды иштеп чыгат. 

Anduril Industries аталышы «Властелин колец» (Үлкөн жылдыз) китебиндеги Андурил кылычынын урматына коюлган.  

Башкы сүрөттө: Палмер Лаки