Жагымдуу кабар: Кыргызстанда жумушсуз жарандар азая баштады

Негизги көрсөткүчтөр:

Жалпы жумушчу күч (15 жаштан жогорку жарандар) 2,9 миллион жаранды түздү. 

Анын ичинен 2,8 миллиону – иштегендер, ал эми 104 миңден ашыгы – жумушсуздар. 

2023-жылга салыштырмалуу:

• иштеген жарандардын саны 4%га көбөйгөн;
• жумушсуздардын саны 7%га кыскарган.

Иштегендердин жыныстык курамы:

• Эркектер — 1,7 млн адам;
• Аялдар — 1,1 млн адам.

Жумуштуулук деңгээли:

2024-жылы ал 57%ды түзгөн (2023-жылдагы 56,2%га каршы).

Эркектердин жумуштуулук деңгээли - 72%, аялдардыкы - 43%.

2024-жылы жумушсуздуктун деңгээли 3,7% га төмөндөдү, бул мурунку жылга салыштырмалуу 0,4% га төмөн.

Статком эмгек рыногундагы мындай динамика экономиканын акырындык менен калыбына келе баштаганын жана жумушчу орундардын санынын көбөйгөнүн айгинелей турганын белгилейт.