Кыргызстандагы жашоо минимуму 9 миң сомго жакындады

Бул тууралуу Улуттук статистика комитети билдирди. 

Ага ылайык, жашоо минимумунун мындай өсүшү Кыргызстандын бардык аймактарында катталды. 

Эң жогорку көрсөткүч Бишкек шаарында байкалууда — 9 172,3 сом, андан кийин Жалал-Абад облусу (8 954,99 сом) жана Нарын облусу (8 457,31 сом). Эң төмөнкү көрсөткүч Ысык-Көл облусунда катталган (7 819,42 сом) жана  Баткен облусу (8 131,69 сом).

Социалдык-демографиялык топтор боюнча жашоо минимуму төмөнкүдөй бөлүштүрүлөт: 

• Эмгекке жөндөмдүү калк — 9 831,25 сом (анын ичинен эркектер — 10 095,18 сом, аялдар — 9 797,25 сом);
• Пенсионерлер — 7 774,84 сом;
• Балдар — 7 421,23 сом (0дөн 7 жашка чейин — 6 579,45 сом, 7ден 14 жашка чейин — 7 689,02 сом, 14 жаштан 17 жашка чейин — 8 474,06 сом).

Өкмөттүн 2009-жылдын 6-ноябрындагы №694 токтому менен бекитилген жашоо минимумунун түзүмүнө ылайык: 

• азык-түлүк товарларынын үлүшү 65 пайызды; 
• азык-түлүк эмес товарлар - 16 пайызды; 
• кызмат көрсөтүүлөр - 17 пайызды;
• салыктар - 2 пайызды түзөт. 

Азык-түлүк баштыгынын энергетикалык баалуулугу 2101 ккалды түзөт, ал эми анын химиялык курамы 73 грамм белокту жана 71 грамм майды камтыйт.