Криптага болгон кызыгуунун өсүүсү: Binance эки жылда Кыргызстандагы аудиториясын эки эсеге көбөйттү

Binance 9-июнда, Бишкекте крипто жамаат менен жолугушуу өткөрдү. Бул иш-чарага 300дөн ашык катышуучу чогулду.

Жолугушууда Binance компаниясынын КМШ, Чыгыш Европа жана Балкан аймагындагы регионалдык стратегиялык жетекчиси Алексей Макаров криптовалюта рыногундагы акыркы тренддер тууралуу айтып берип, Кыргызстанда бул тармак кандай өнүгүп жатканын жана Binance кандай роль ойноп жатканын көрсөткөн аналитиканы сунуштады.

Алексей Макаров индустриянын тездик менен өсүп жатканын белгиледи. Мисалы, 2024-жылы биткоин-ETF ишке киргизилиши 35 миллиард доллардын агылышына себеп болду, ал эми крипторыноктун жалпы капитализациясы биринчи жолу 3,9 триллион долларга жетти. 2025-жылдын май айында биткоин жаңы рекорд орнотуп, 111 970 долларга жетти, анын натыйжасында базардагы үлүшү 60%дан ашты. Бул көрсөткүчтөр криптовалютага болгон кызыгуу өсүп жатканын жана анын дүйнөлүк экономикадагы орду бекемделип жатканын көрсөтөт.

«Кыргызстан – криптовалюта жана Web3 тармагына кызыгуу органикалык түрдө өсүп жаткан базарлардын бири. Акыркы эки жыл ичинде өлкөдө Binance колдонуучуларынын саны 2,5 эседен көпкө өстү. Биз жогорку деңгээлдеги катышууну жана билим берүү мүмкүнчүлүгүн көрүп жатабыз. Мындай жолугушуулар — жергиликтүү деңгээлде индустриянын келечегин калыптандырып жаткан крипто жамаат менен диалог куруунун мүмкүнчүлүгү», — деп белгиледи Алексей Макаров.

Алексей кошумчалагандай, бүгүнкү күндө биткоин дүйнө жүзүндө капитализация боюнча Apple, Microsoft жана  NVIDIA компанияларынан кийин 4-орунда турат. Өсүү темпи боюнча ал жасалма интеллект (AI) технологиясы аркылуу өнүгүп жаткан NVIDIA компаниясынан гана артта калууда.

Криптовалюталарды кабыл алуу жагынан эң активдүү өлкөлөр — Индия, Нигерия, Индонезия жана Вьетнам. Бул өлкөлөрдү калктын көптүгү, санариптештирүүнүн жогорку деңгээли жана алсыз банктык инфраструктура бириктирет. Борбордук Азияда лидер — Казакстан, бирок Кыргызстан да азыр көлөмү боюнча 4-орунда турат жана туруктуу өсүштү көрсөтүп жатат.

«Акыркы жылда республика жаңы колдонуучулардын саны боюнча гана эмес, соода көлөмү боюнча да өсүш көрсөттү — үч эсеге. Бул дүйнөлүк орточо көрсөткүчтөрдөн жогору. Платформа активдүү колдонулууда, ал эми эң көп колдонулган криптовалюталар — Bitcoin, Ethereum, Solana, PayPal токен жана XRP. Өлкөнүн потенциалы жакшы, жана лидер позицияларды ээлөөгө бардык мүмкүнчүлүгү бар», — деди Алексей Макаров.

Анын айтымында, бүгүнкү күндө Binance криптовалютаны адамдардын жана бизнес-тармактын күнүмдүк жашоосунун бир бөлүгүнө айландырууну максат кылууда. Бул максатта жайгашуусуна, жеткиликтүүлүктү жөнөкөйлөтүүгө жана ишенимди жогорулатууга багытталган демилгелер ишке ашырылууда. Мисалы, Binance өкмөттүн кеңеш берүүчү кеңешине катышып, криптотөлөмдөрдү киргизүүгө жана мамлекеттик крипторезерв түзүүгө көмөктөшүүдө. Ошондой эле Binance Pay жана төлөм инфраструктурасын өнүктүрүү пландалууда — бул калкка жана бизнеске криптовалюталарды күнүмдүк турмушта колдонууга ыңгайлуу шарт түзөт.

Мындан тышкары, компания билим берүү тармагына да салым кошуп жатат —жогорку окуу жайлар жана жеке билим берүү өнөктөштөрү менен кызматташуу макулдашылууда. Мунун максаты — финансы сабаттуулугун жана санариптик активдерди түшүнүү деңгээлин жогорулатуу. Binance коомчулуктун үнүн угуп, платформа пайдалуураак болушу үчүн жамааттан чыккан демилгелерди колдойт жана ишке ашырат.

Ошол эле учурда, криптовалютага болгон кызыгуу арткан сайын коркунучтар да көбөйүүдө — бул активдердин уурдалышы. Коопсуздук — Binance компаниясынын башкы артыкчылыктарынын бири.

«Биз алдынкы Complience жана мониторинг системаларын колдонобуз, бирок колдонуучулар да санариптик коопсуздуктун негиздерин түшүнүшү керек. Ошондуктан биздин артыкчылыктуу багыттардын бири — коопсуздук боюнча билим берүү программаларын өнүктүрүү, аккаунттарды коргоо жана активдерди сактоо маселелеринде колдонуучуларды колдоо. Бул үчүн Cold Wallet'терди жана көп факторлуу аутентификацияны сунуштайбыз», — деп кошумчалады Алексей Макаров.

Эске салсак, Бишкекте Binance компаниясынын крипто жамааты менен экинчи жолугушуусу өттү. Биринчи Binance Community Meetup Бишкекте 2022-жылдын ноябрында өткөн.