Аталган курал жарандарга өз ыктыяры менен жана акысыз кредиттерди өз атына алуу мүмкүнчүлүгүн чектөөгө мүмкүндүк берет.
Механизм жарандарды финансылык алдамчылыктан жана онлайн-насыялардан коргоо үчүн түзүлгөн. Өзүнө-өзү тыюу салуу менен, банктар жана финансы институттары кимдир бирөөнүн уурдалган жеке маалыматын колдонууга аракет кылса да, насыя бере алышпайт.
Өзүнө-өзү тыюуну каяктан кылса болот
Tunduk мобилдик тиркемесинен – каалаган убакта жана акысыз.
Аны кантип кыла аласыз
- Tunduk тиркемесине кирүү же электрондук кызмат көрсөтүү порталына кирүү.
- «Насыяга өзүнө-өзү тыюу салуу» кызматын тандоо.
- «Арызды каттоо» баскычын басуу.
Кредиттик бюролордун бирин тандоо
- «Ишеним».
- «СЭС».
Иш-аракеттерди тастыктоо
Эми мындан ары сиздин атыңызга насыя алуу мүмкүн болбой калат.
Өзүнө-өзү тыюну кантип алып салуу керек
- Ошол эле Tunduk тиркемесине кирүү.
- Кредиттик бюрону тандоо.
- «Тыюуну алып салуу» баскычын басуу
Маанилүү: бул кызмат жогорудагы иш-аракеттерди аткарган соң, 12 сааттан кийин ишке ашырылат.
Эгерде, сиз оюңузду өзгөртсөңүз, ушул 12 сааттын ичинде «Өтүнүчтү жокко чыгаруу» баскычын басып, коргоону активдүү бойдон калтырсаңыз болот.
Бул мөөнөт шашылыш чечимдердин алдын алуу жана жарандардын маалыматтарынын коопсуздугун сактоо үчүн атайын киргизилген.
Бул эмне үчүн маанилүү
Улуттук банктын маалыматы боюнча, онлайн насыяларды мыйзамсыз берүү боюнча көптөгөн даттануулар катталган.
Алдамчылыктан коргоодон тышкары, өз алдынча тыюу салуу жарандардын атына кандайдыр бир «санариптик кулпу» орнотуу аркылуу өздөрүнүн кредиттик профилин көзөмөлдөөгө жардам берет.
Эске салсак, 2025-жылдын 23-октябрында «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү киргизүү жөнүндө» токтому кабыл алынган. Өзүнө-өзү тыюу механизми тууралуу кененирээк маалыматты Banks.kg порталына жарыяланган материалдардан окусаңыз болот.