Кыргызстандыктар мүлк салыгын 1-сентябрга чейин төлөшү керек

2025-жылдын январь-август айларына карата жыйынтык:

• турак жайлардан же имараттардан түшкөн салыктын суммасы 19,4 млн сомду түздү.
• үй жанындагы, короо-жай жанындагы жана бак-чарба жер участокторунан 12,5 млн сом салык түшкөн.

Автоматтык түрдө эсептөө модулу аркылуу салык төлөөчүлөрдүн кабинеттерине 2 млн 377 миң 232 билдирүү жөнөтүлгөн.

1-сентябрга чейин кайсы салыктарды төлөш керек:

• турак үйлөргө, батирлерге салык (ишкердик иш үчүн пайдаланылбаган),
• үй жанындагы, короо-жай жанындагы жана бак-чарба жер участокторуна салык.

Салыкты кантип төлөп жана текшериш керек

Төлөнө турган салыктын суммасы жөнүндө маалымат салык төлөөчүнүн кабинетине жиберилди. 

• Салыкты төлөө төлөм коду; 
• QR-кодун түзүү жолу менен.  

Эсиңизде болсун

Салык өз убагында төлөнбөсө, ар бир кечиктирилген күн үчүн 0,09% өлчөмүндө айып салынат.

Мүлк салыгы, аны төлөө тартиби жана берилген жеңилдиктер жөнүндө толук маалыматты жергиликтүү салык органдарынан, ошондой эле 116 номеринен же www.sti.gov.kg сайтынан алууга болот.