Ар бир сатуу боюнча маалыматты салык органдарына берүүгө кимдер милдеттүү болот: тизме

МСКдан билдиришкендей, тиешелүү токтом министрлер кабинетинин 2026-жылдын 4-ноябрындагы токтому менен кабыл алынды. 

Жаңы талаптар коомдук тамактануу жайларын, мейманканаларды, мончолорду жана сауналарды, май куюучу станцияларды, медициналык уюмдарды, дүкөндөрдү жана чекене сооданын айрым категорияларын камтыйт. Талаптар этап-этабы менен киргизилип, толук өтүү 2029-жылдын 1-февралына чейин пландалган.

Документке ылайык, ФПКга кошулуу мөөнөттөрү ишмердиктин түрүнө, объекттин көлөмүнө жана жайгашкан жерине жараша аныкталат. Алгачкы талаптар 2026-жылдын 1-августунан тартып Бишкек, Манас жана Ош шаарларында күчүнө кирген. Андан соң талаптарды башка шаарларда жана райондордо киргизүү улантылууда. 

Акыркы этаптарда соода залынын аянты 100 чарчы метрден ашкан дүкөндөр жана соода борборлорунда жайгашкан дүкөндөр камтылат.

Кошумча маалымат жана кеңеш алуу үчүн ишкерлер 0312 62-08-67 номери аркылуу кайрылууга болот.

Эмнеге жаңы талап киргизилип жатат

Мамлекеттик салык кызматы белгилегендей, бул чара маалыматтарды берүү функциясы бар ФПКны киргизүү боюнча 2025-жылдын сентябрынан 2026-жылдын августуна чейин жүргүзүлгөн пилоттук долбоор ийгиликтүү ишке ашырылгандан кийин кабыл алынды.

Пилоттук долбоордун жыйынтыктары оң натыйжаларды көрсөттү. Тактап айтканда, ФПКга кошулгандан кийин долбоордун катышуучуларынын орточо күндүк жүгүртүүсү кыйла өскөн. Бул акчалай эсептешүүлөрдү толук каттоого алуу жана бизнестин ачыктыгын жогорулатуу мүмкүнчүлүгү түзүлгөнүн көрсөтөт.

Маалыматтарды берүү функциясы бар ФПК сатууларды автоматтык түрдө каттоого, фискалдык чектерди түзүүгө жана маалыматтарды түздөн-түз эсепке алуу тутумунан салык органына өткөрүп берүүгө жардам берет. Бул эсептешүүлөрдү жүргүзүүнү жеңилдетип, ишкерлердин эсепке алуу иштерине кеткен убактысын үнөмдөйт.

Өзгөртүүлөр кимдерге тиешелүү?

Министрлер кабинетинин токтомуна ылайык, ФПКга кошулуу алты этаптан турат. 

Биринчи этап - 2026-жылдын 1-августунан тартып Бишкек, Манас, Ош ири коомдук тамактануу жайлары жана тармактык мекемелер, 50ден

ашык жатуучу оруну бар мейманканалар, тейлөө жайларынын аянты 150 чарчы метрден ашкан мончолор жана сауналар.

Экинчи этап - 2027-жылдын 1-февралынан тартып, Бишкек, Манас, Ош Токмок, Каракол, Балыкчы шаалары жана Аламудун, Ысык-Көл, Чүй, Жайыл, Сузак, Кара-Суу, Сокулук райондорун камтыйт. Залынын аянты 80 чарчы метрден ашкан же 80ден ашык орунга ээ коомдук тамактануу жайлары, тармактык коомдук тамактануу жайлары, 50ден ашык жатуучу оруну бар мейманканалар, май куюучу станциялар, аянты 150 чарчы метрден ашкан мончолор жана сауналар.

Үчүнчү этап - 2027-жылдын 1-августунан тартып Бишкек, Ош, Манас, Токмок, Каракол, Балыкчы шаарлары жана Аламудун, Ысык-Көл, Чүй, Жайыл, Сузак, Кара-Суу жана Сокулук райондору. Медициналык боборлор жана башка саламаттык сактоо уюмдары. Тиричилик техникасы дүкөндөрү, косметика жана парфюмерия сатууга адистешкен, аянты 50 чарчы метрден ашкан дүкөндөр. 

Төртүнчү этап - 2028-жылдын 1-февралынан тарта аталган аймактардагы дары-дармек каражаттарын жана медициналык буюмдарды сатууларды камтыйт.

Бешинчи этап - 2028-жылдын 1-августунан тартып, жогорку аймактардагы соода залынын аянты 100 чарчы метрден ашкан дүкөндөрдү камтыйт.

Алтынчы этап - 2029-жылдын 1-февралынан тартып, соода борборлорунда жайгашкан дүкөндөр кирет. Өзгөчө учурларга соода аралчалары, күркөлөр жана павильондор кирет.