Акча адалдаган кыргызстандык компаниялар лицензияларынан ажыратылышы мүмкүн

Документте компаниялар үчүн айып пулдарды көбөйтүү, ошондой эле ички көзөмөлгө жооптуу жетекчилер менен кызматкерлерге жеке жоопкерчилик киргизүү сунушталууда.

Юридикалык жактар үчүн айып пулдун өлчөмү алардын кирешесине жараша болот:

• 8 млн сомго чейин;
• 8 млн сомдон 50 млн сомго чейин;
• 50 млн сомдон жогору.

Одоно жана системалуу мыйзам бузуулар үчүн сот компаниялардын ишин убактылуу токтотуп, лицензияларын кайтарып алууга жана аларды жоюу жөнүндө чечим кабыл алууга укуктуу болот.

Компаниялардын кылмыштуу кирешелерди адалдоого жана кылмыштуу ишти каржылоого катышканы үчүн өзүнчө жоопкерчилик каралган. Мындай учурларда айып пулдун өлчөмү 1 млн сомго чейин жетиши мүмкүн.

Ошондой эле мыйзам долбоорунда компаниялардын акыркы бенефициардык ээлери жөнүндө маалыматтарды жашыргандыгы үчүн жаза каралган. Мындай мыйзам бузуулар үчүн айып пулдун өлчөмү 300 миң сомго чейин жетиши мүмкүн.

Демилге Кыргызстандын мыйзамдарын ФАТФтын эл аралык стандарттарына шайкеш келтирүүгө жана мыйзамсыз финансылык операцияларга каршы күрөштү күчөтүүгө багытталган.

Эске салсак, Министрлер кабинетинин төрагасынын биринчи орун басары Данияр Амангелдиевдин төрагалыгы алдында кылмыштуу ишти каржылоого жана кылмыштуу кирешелерди легалдаштырууга каршы аракеттенүү боюнча комиссиянын 19-жыйыны өткөн.