I жарым жылдыкта Кыргызстандын каржы секторунун кирешеси 60%га өстү

Бул тууралуу КРнын Улуттук статистика комитети билдирди.

Учурда Кыргызстандын финансы секторунун инфраструктурасына төмөнкүлөр кирет:

• КРнын Улуттук банкы - өлкөнүн башкы финансылык жөнгө салуучусу, акча-кредит саясатын аныктап, системага көзөмөл жүргүзөт;
• 26 коммерциялык банк - акча-кредит системасынын негизин түзөт;
• 436 банктык эмес финансы-кредиттик уюм - аймактарда микрофинансылык кызматтардын жеткиликтүүлүгүн камсыздайт;
• 19 камсыздандыруу компаниясы - ишкерлердин жана жарандардын кызыкчылыктарын коргойт.

Тармактагы жумуш менен камсыз болгондордун жалпы саны 32 миң адамдан ашат.

2026-жылдын I жарым жылдыгында 2025-жылдын I жарым жылдыгына салыштырмалуу республиканын финансы секторунда:

• кирешелер 166,8 млрд сомду түздү (62,7 млрд сомго же 60,3%га өстү);
• жалпы чыгашалар - 102,6 млрд сом (37,4 млрд сомго же 57,4%га өстү);
• финансылык натыйжанын сальдосу - 64,1 млрд сом (25,2 млрд сомго же 64,9%га өстү);
• кардарлардын саны - 26 миллиондон ашты (6,8 млнго же 34,6%га өстү).