Улуттук банк комбанктардын ликвиддүүлүктү башкаруу мүмкүнчүлүктөрүн кеңейтет

Улуттук банк «Кыргыз Республикасынын Улуттук банк Башкармасынын айрым ченемдик укуктук актыларына өзгөртүүлөрдү киргизүү жөнүндө» токтом долбоору коммерциялык банктардын ликвиддүүлүгүн башкаруунун ийкемдүүлүгүн жогорулатуу жана ишенимдүү, жогорку ликвиддүү инструменттерди (Министрлер кабинетинин мамлекеттик баалуу кагаздары) колдонуу мүмкүнчүлүктөрүн кеңейтүү максатында иштелип чыккан. Бул максатка жетишүү үчүн аларды ыкчам ликвиддүүлүк ченемин (К3.3) эсептөөдө колдонуу мөөнөтүн узартуу, ошол эле учурда жүктөлбөгөн активдерге карата зарыл болгон пруденциалдык чектөөлөрдү сактоо каралган. 

«Дароо ликвиддүүлүк нормативинин (К3.3) эсептешүүсүнүн колдонуудагы тартиби Министрлер кабинетинин мамлекеттик баалуу кагаздарын жогору ликвиддүүактивдеринде төлөө мөөнөтү 7 календардык күндөн ашпаган мөөнөттө эсепке алуу мүмкүнчүлүгүн карайт. Бул чектөө коммерциялык банктардын мамлекеттик баалуу кагаздарды жогору ликвиддүү активдер катары пайдалануу мүмкүнчүлүктөрүн чектейт» - деп жазылат токтом долбоорунун түшүндүрмө берүүчү бөлүгүндө. 

Бул көйгөй айрым коммерциялык банктарга тиешелүү, алар К3.3 нормативин сактоого милдеттүү жана бул алардын бар болгон ликвиддүү активдерди натыйжалуу бөлүштүрүү жана пайдалануу мүмкүнчүлүктөрүн чектейт. Тактап айтканда, банктар К3.3 нормативин сактоо үчүн мамлекеттик баалуу кагаздар портфелдерин түзүүдө жана активдердин түзүмүн башкарууда колдонулуп жаткан чектөөнү эске алууга аргасыз болушат. 

Мамлекеттик баалуу кагаздарды эсепке алуу мөөнөтүн 7 күндөн 180 календардык күнгө чейин узартуу, нормативди эсептөөгө кабыл алынуучу активдердин чөйрөсүн кеңейтип, жогоруда аталганбанктардын ликвиддүүлүктү башкаруу мүмкүнчүлүктөрүн жогорулатат.  

Бул токтом долбоорунун кабыл алынышы терс социалдык, экономикалык, укуктук, укук коргоочулук, гендердик, экологиялык, коррупциялык кесепеттерге алып келбейт. Документ менен толук бул шилтемени басып таанышууга болот.