Кыргызстанда март айында кайсы азыктар кымбаттап, кайсынысы арзандады: статистика

Бул тууралуу Улуттук статистика комитети билдирди. 

Жалпысынан эт, жумуртка, кумшекер жана чай бир ай ичинде эң олуттуу өсүүгө ээ болгон. Бирок, кээ бир товарлар, анын ичинде картошка, узун дан күрүч жана сүт бир аз төмөндөгөн.

Алсак, республика боюнча март айында уй этинин орточо баасы 1 килограммы 736,47 сомду түздү, ал эми февраль айында 719,49 сом болгон.  Ал эми кой эти 713,62 сомдон 730,03 сомго, жылкы эти 677,19 сомдон 698,69 сомго кымбаттады.

Жумурткага болгон баанын да өсүшү байкалды. Кыргызстан боюнча тоок жумурткасынын орточо баасы 123,61 сомдон 136,14 сомго чейин көтөрүлдү. Күн карама майынын килограммы 190,67 сомдон 191,12 сомго, кумшекер -81,47 сомдон 82,59 сомго, кара чай - 100 граммы 116,29 сомдон 117,03 сомго, көк чай - 82,15 сомдон 82,41 сомго чейин кымбаттады.

Дан эгиндери жана ун азыктары боюнча өзгөрүүлөр анча байкалаарлык болгон жок. Буудайдын орточо баасы килограммына 32,09 сомдон 32,25 сомго, орточо дандуу күрүч - 146,92 сомдон 147,35 сомго, биринчи сорттогу ун - 54,02 сомдон 54,37 сомго, биринчи сорттогу буудай унунан жасалган нан - 72,42 сомдон 72,59 сомго чейин көтөрүлдү. Нан дагы бир аз арзандап, 104,89 сомдон 104,85 сомго түштү, иш жүзүндө февраль айындагы деңгээлде калды.

Ошол эле учурда республика боюнча узун күрүч орточо эсеп менен килограммы 161,75 сомдон 160,61 сомго чейин, картошка - 54,49 сомдон 54,32 сомго чейин, ал эми пастерленбеген сүттүн литри - 71,48 сомдон 70,41 сомго чейин арзандады. Жогорку сорттогу ундун баасы да бир аз төмөндөдү — килограммы 73,91 сомдон 73,84 сомго чейин.

Бир катар азык-түлүктөрдүн эң жогорку баалары салтка айлангандай эле Бишкекте катталды. Март айында борбор калаада уй этинин килограммы орточо эсеп менен 778,74 сом, кой эти — 748,44 сом, жылкы эти — 713,98 сом, ал эми картошка — 58,94 сом болгон. Ошол эле учурда Бишкекте он жумуртканын баасы орточо эсеп менен 136,96 сомду түзгөн.

Кээ бир шаарларда дагы баанын жогорулашы олуттуу болгон. Маселен, Ош шаарында жумуртканын орточо баасы 142,12 сомго, ал эми Манаста -  149,58 сомго кымбаттады. Өзгөндө орто дан күрүчүнүн баасы кыйла жогорулап, 1 килограммы 154,96 сомду түздү.

Демек, 2026-жылдын мартында Кыргызстанда негизги азык-түлүктөрдүн, биринчи кезекте эттин жана жумуртканын баасы бир аз көтөрүлдү, ал эми социалдык маанидеги айрым товарлар боюнча өзгөрүүлөр минималдуу же ар кандай багытта болду.

2026-жылдын март айындагы Кыргызстан боюнча негизги орточо баалар:

• буудай — 1 кг үчүн 32,25 сом; 
• орточо күрүч — 1 кг үчүн 147,35 сом; 
• узун дан күрүч — 1 кг үчүн 160,61 сом; 
• жогорку сорттогу ун — 1 кг үчүн 73,84 сом; 
• биринчи сорттогу ун — 1 кг үчүн 54,37 сом; 
• биринчи сорттогу ундан жасалган нан — 1 кг үчүн 72,59 сом; 
• тандыр наны — 1 кг үчүн 104,85 сом; 
• уй эти — 1 кг үчүн 736,47 сом;
• кой эти — 1 кг үчүн 730,03 сом; 
• жылкы эти — 1 кг үчүн 698,69 сом; 
• сүт — 1 литри үчүн 70,41 сом; 
• тоок жумурткасы — 10 даанасы үчүн 136,14 сом; 
• күн карама майы — 1 кг үчүн 191,12 сом; 
• картошка — 1 кг үчүн 54,32 сом; 
• кумшекер — 1 кг үчүн 82,59 сом;
• кара чай — 100 грамм үчүн 117,03 сом; 
• көк чай — 100 грамм үчүн 82,41 сом.